Mizoram Pradesh Youth Congress Committee chuan ni 27.6.2024 (Ningani) hian CTI Sesawng hmuna Ram leh Hnam tana Martar-te lungphun champhaphak vawi 27-na chu MPYCC Office, Congress Bhawan, Aizawlah urhsรปn takin an hmang a. Programme chhรขwng hniha siamin hruaitu intuaitharna hun an nei nghal a. Laltawnliana, President MPYCC chuan thusawiin, “Ram leh hnam tana nun hlantu hnam Martar-te chu Mizo hnam a awm chhung chuan hriatreng an ni tawh ang,” a ti.
Martar-te hriatrengna Lungphun CTI Sesawnga mi hi Martar-te puala lungphun hmasa ber niin June 27, 1997 khan Mizoram Pradesh Congress Committee President leh khatih hunlaia Chief Minister ni bawk Pu Lal Thanhawla’n a hawng a. He hriatrengna lungphun hi MPYCC buatsaiha bulแนญan a ni a. Martar-te hriatrengna lungphun hi kum tin June ni 27-ah Programme urhsun tak hmangin CTI Sesawngah hman thin a ni. Vawiin thlengin he lungphunah hian mi 1168 ziah lan an ni tawh a. Kum 2014 khan Sergeant Lalhuha ruhro pawh phum leh niin, ziah belh tรปr awm angte pawh ziah belh zel theih tรปra ruahman a ni.
Laltawnliana, President MPYCC chuan, kum 1966 – 1986 chhunga rambuai hun chhungin nunna tam tak kan unau ten an chan a. Heng nunna chรขn zawng zawngte hi Congress แนญhalai chuan ‘Mizoram tana nunna hlan, ram leh hnam tana Martar-ah a ngai a ni,’ a ti.
Martar-te leh an chhungte hi Congress Party hian a ngaihsak hle a. Kum 1986 aแนญanga MNF sorkar lai pawha an din sak theih loh Peace Accord Review Committee chu kum 2008 khan Pu Lal Thanhawla kaihhruai Congress party in a din a. He committee hian martar-te chhungkaw tan hamแนญhatna awm theite a dap sakin a ngaihtuah sak thin a. Martar chhungkua mi 13 tan sorkar hna a ngaihtuah sak bakah Central sorkarah Housing Assistance chhungkaw engemaw zat tan a dil sak a ni, a ti bawk.
MNF sorkarin a tih sak theih loh sorkar hna hrang hrang 70 chuang- Assistant 2, UDC 4, LDC 18, IV grade 46 te chu Pu Lal Thanhawla kaihhruai Congress party in martar chhungkua te hmuh sakin a pe. PAMRA chhungkua 200 tan a bikin NLUP แนญanpuina pek niin NLUP Convergence aแนญangin mi 120 pek leh an ni a. Martar chhungkua 40 hnenah rangva bundle 180 a pe a, martar chhungkua 100 NLUP a bika pek an ni bawk a ni.
Laltawnliana, President MPYCC chuan, Congress Party chuan Martar family Association te an mamawhna apiangah a แนญanpui thin a. Housing Loan Board-ah Martar chhungkua member แนญum hnih ruat an ni bawk a. Chuti khawp chuan Congress Party hian ‘Ram leh Hnam tana Martar-te hi a lo tuamhlawm tawh แนญhin a ni,’ a ti bawk.
He hun hi Lalsanglura Sailo, Vice President, MPYCC chuan a kaihruai a. Lawrence K. Ropara, GS MPYCC chuan hunserh hmangin; C. Lalrochhara, GS MPYCC chuan Martar-te Lungphun a nih dan chanchin tawi (report) a pe bawk a. 2nd Session hi Ngurdingpuia Pachuau, Sr. Vice President MPYCC in kaihruaiin; MPYCC aแนญanga zaithiam hrang hrang te’n kalkhawmte zaiin min awi bawk a ni.