Mizo Zirlai Pawl (MZP) in Mizoram Civil Service Combined Competitive Examination, 2023 neih danah leh Mizoram Forest Service-a post hnawhkhah danah thil dik lo nia a sawite chungchangah Betsy Zothanpari, Secretary to the Govt. of Mizoram, Vigilance Department chuan Thawhtanni khan order tichhuakin, ni sarih chhunga chhui chiang turin a ti.
Competent Authority chuan Pu M. Lalmanzuala, IAS Rtd., Mizoram sorkara Chief Secretary hlui leh MPSC-a Chairman leh Member lo ni tawh thin chu he thil hi chhui chiang turin a ti a. ‘Order a dawn atanga hnathawh ni sarih (7) chhungin a report a thehlut tur a ni’ a ti bawk.
