Vawiin 26th February, 2024 hian BJP Mizoram chuan karthar inhlanna leh Political Session hun BJP State Office Upper Republic Mipui Run ah neih niin, Vanlalhmuaka, State President-in thusawina hun a hmang.
Vanlalhmuaka chuan Mizoram mamawh em em PM Pu Narendra Modi leh BJP National President Pu JP Nadda ten hria in, Mizoram retheihna ata khai chhuahna atan Manifesto kum 2023 Election ah khan Central ah a hranpa a sum zuk dil ngai lovin min siam sak a. Chu chu Mizoram-ah hmarchhak state dangte ang a BJP telna sorkar a pian chuan kan hman nghal theih turte a ni. Chung Manifesto langsar zual te chu State Govt financial assistance atan Rs 22500 crore, Loneitute dawmkawnna tur Rs 1000 crore, Zirna lam siam that na atan Rs 900 crore, Health infrastructurr lam tihchangtlunna atan Rs 500 crore, ZMC regional Institute of Medical Science ah hlan kai te, Tourism kal ngaihna hre lo tihchangkanna atan Rs 250 crore, Thingtlang leh khawpui hmasawnna hna thuanawp tawh tihthatna atan Rs 1400 crore, PM Kisan Mizoram bikah Rs 6000 ni thin chu Rs 8000 ah tih san te, PM Ayushman Bharat Rs 5 lakh kha10 lakh a tih san te kha a langsar zualte a ni a. Heng hi kan budget piah lama Mizoramin kan hmuh theihte a ni. Nimahsela, Mizoram mipuiten party ruihchilhna avang leh mahni lal duhna avangin khing zawng zawng Mizoramin kan dawn theih te chu hnawlin tunah hian kan state hi a sorkar chawpin kutdawhah kan chhuak leh ta vek hi a pawi hle a ni. Chuvangin Mizoram mipuite kan harh a ngai a, Political Party-te pawhin Party Politics chauh nilo, Mizoram Hmasawnna thlenna tur tak tak Politics hi kan ngaihtuah tel a, rilru kan sen tlan a ngai a, MP Election kan hmabak ah hian kan State hmakhua thlir chunga Vote kan thlak thiam tawh ngei a pawimawh hle dawn a ni a ti bawk.
