May 28, 2024 a Cyclone Remal siper Mizoram in a dawn avanga chhiatna thlengah Aizawl chawmtu Tlawnglui Water Supply Scheme Phase 1&2 chu Mizo National Youth Front, HeadquarterS Chuan vswiin khan tlawhin, Vice President Lalnunmawia Pautu chuan ahova, C. Zothantluanga, EE. Phase I&II Division Chuan MNF thalaite hi a lo dawngsawng a ni.
Aizawl chawmtu Tlawnglui tui lakna Phase I leh Phase II hmuna thusawitu Mizo National Youth Front, Headquarters Vice President Lalnunmawia Pautu chuan, “Department leh thawktute sawisel turin kan rawn kal lo a, Aizawl khawpui chhunga chhungkaw tinin tui in tur thianghlim tam zawk an dawn thuai theihna tura hmalakna leh hmasawn zelna tur thiltha a awm besei a lo kal kan ni,” a ti a.
MNYF Vice President Chuan, “Cyclone Remal in Mizoram a nuai hma leh anuai hnuah Aizawl khawpui chhunga Tui harsatna chungchang au chhuahna neih kan tum mek laiin, furpuiin min nang chhunzawm a. Cyclone Remal in khawl a tihchhiat hlimin Sorkar thuneitu ten thlakhat chhunga panngai anga tuisem theih an beisei laiin thla khat chuang hnuah pawh harsatna ala awm belh zel hi a pawi kan ti a. PHE Department thawktuten chhun zan zawmin tui hnianghnar kan neih thuai theih nana hna an thawk hi MNYF te chuan a ropui kan ti a. Mi harsa zawkte tawrhtheihna tur Chhiah lak leh bill tihsan kawngah sorkae hman hlel hle laiin, Mi hausa leh rethei ten rualkhai taka tui hnianghnar kan Hmuh theih nan Mizoram Sorkar hian a tih tur a ti tawk lo ah MNYF chuan kan ngai,” tiin a sawi.
May thla khan Greater Water Supply Scheme Phase 1 hian a hmain nitin tui 10.8 mld a pump chhuaka, Greater Water Supply Scheme in 24 mld a pump chhuak thin a. Khawl a chhiat tak 13.89 chauh a pump chhuak thei ta a. Hei hian nasa takin Aizawl khawpuiin tui mamawh a hmu lo va, harsatna a thleng ta a ni.
Tun dinhmunah Tlawnglui tui nut zawng hi Tuithianghlim tehna NTU (Nephelometric Turbidity Unit) 500 vel a ni a. Tui hi ei tlak 5 NTU a ti thianghlim turin tui anut avangin hnathawh chak a har a. Hei hian tui pump na kawngah harsatna a thlen nasa hle bawk.
MNYF Chuan Tlawnglui tui lakna Water Supply Scheme Phase 1&2 enkawltute chungah lawmthu an sawi a. Harsatna awm thei lakah hmalakpui zel an inhuam thu a sawi bawk.
MNYF Chuan Mizoram sorkar thil tih dik lo pawi leh phurrit zawwnga a hmalakna leh a tih tawk lohna kawngah Mizoram mipuite thlavang hauhin a tul angin engtik hunah pawh a che chhuak zel dawn a ni, a ti.