11.11.2024 : Vawiin khan Mizo Hnam Rún ah chhung inkhawm MNF chuan an nei a, he hun ah hian MNYF Hqrs ten hun hmangin Pu Dennis Vanlalmawia General Secretary MNYF Hqrs chuan ‘Make Mizoram great again, Make MNF great again’ tih thupui a hmang in thu a sawi a, Politics chu mihring te nun ho theih na tura in relbawl na, ram leh a chhunga cheng mipui ten hmasawn na leh chanvo ṭha zawk rualkhai taka an chan tlan theih na tur te, an khawsak ho dan tur ngaihtuah hi a ni a, chuti a nih chuan Politics hi thil ṭha tak leh thianghlim tak niin a lang a, chuvang chuan Politics chuan ram rorelna chauh ni lovin sakhua leh hnam nunphung ei leh bar zawn na te, zirna lam leh khawtlang nun thleng in a huap vek a ni Pu Dennis – a chuan a ti.
Pu Denis-a chuan “MNF Ministry in Sports Infrastructure tha tak tak a siam a, infiammi te tan incentive Cash award te nasa taka tipungin a sem thin a.ZPM sorkar hian MNF Ministry hmalâkna te chhunzawm zel sela ka duh a ni” a ti
Politics ṭobul chu Pathian a nih thu sawiin Pu Dennis – a chuan thilsiam dang zawng zawng ai in thuneih na pek kan ni a, Chi tam tak thlah a leilung luahkhat tura malsawmna hlan kan ni a, chu mi avang chuan Lal emaw thuneihna nei a rorel tu an awm a ngai ṭhin a, chutiang a thu nei a rorelna chu Politics kan tih chu a ni a ti bawk.
Nang leh kei pathian mite hian Nehemia ang a mahni kan in mana, kan pathian hma a tih tak zet a in chhir a kan inlamlet chuan kan ram hi a dam leh ngei ngei ang a, kan party pawh kan thochhuak leh ngei ang MNYF GS chuan a ti a, kan ram humhalh kawngah te, ṭhalai te hnathawh tur ngaihtuah kawngah te theihtawp chhuah thei tu tur chu MNF Party a ni a ti bawk.
