Lunglei District Youth Congress Committee chuan thuchhuah siamin, “Lunglei Municipal Council 2023 in thlan lo awm atana Political Party hrang hrang in thahnem ngai taka campaign ngawrh tak kan neih na kal zel ah Dt.16th March 2023 khan Mizroram sawrkar a Minister of State nihna leh MNF General Headquarters a Adviser ni lai Pu Lalchhandama Ralte in LMC Ward No. XI a Campaign Office hawnna Zobawk-a neih ah ‘March thla chhunga SEDP Second Installment sem tum a nih thu leh Second phase pawh kalpui nghal tur a ni,’ ti a mipui kalkhawm zinga a sawi mai hi LDYCC chuan pawi a tiin a ngai thu tak hle a ni,” an ti.
Thuchhuahah chuan, “MNF Sawrkar in Kum 5 dawn sawrkar na an chelh tawh hnuah Kum 2018 MLA inthlanpui kan hmachhawn taka In tinah SEDP Rs 300000/- kan sem dawn a ni ti a, mipui a an lo tawktarh tawh vawiin ni thlenga Chhungkaw thenkhat a Rs 25000/- pawh an la sem zo theih loh laia hetianga LMC Election kan hmachhawn tura mipuite rilru a dik lo zawnga kaihruai thei tur leh dawt hmanga inbumna thu a sawi ta mai hi LDYCC chuan Lunglei mipui zahlohna leh in tham lohna lian tak ah a ngai a.
“Hetianga Mizoram sawrkara a fawng vuantu berin Lunglei mipuite hnena LMC Election lo awm tur atana inpuahchahna kal mek a, dawt thu hmanga Lunglei mipuite thlem nana thu a chhak chhuak ta mai hian State Election Commission, Mizoram in Model Code of Conduct a siam bawhchhiat na lian tak a ni a. Hetiang thu lawi lo hmanga Lunglei mipuite bum nan leh Vote zawn duh nana Pu Lalchhandama Ralte in thu a chhakchhuak ta mai hian Lunglei mipute rilru a ti na in tun sawrkar kan hrawn mek MNF sawrkar hian mipui min tham lovin min ngainep a ni tih kan hriat hian LDYCC chuan State Election Commission in Model Code of Conduct a siam MNF in an palzut na hi thunei tute hian min beng khawn saka hma la turin a ngen a ni,” tiin an tarlang bawk.
