Vawiin September ni 23, 2024 (Thawhtanni) hian Mizo Hnam Run chhung inkhawm neih a ni a. Political Session a thusawitu Pu Lalruatkima, Ex-Minister & Treasurer, MNF Gen. Hqrs chuan MNF Party chu Mizo Guardian kan ni, a ti a. Mizoram Assembly Speaker Lungtat a par em ni ? a ti bawk.
‘Kan ramin Zalenna famkim a neihna turin Kan Hnam Pasalthate leh Martar te vawiinah hian zahna chibai kan buk a. Ram leh hnam tana nunna hlu tak thap a, in inpekna hi Zofate thinlungah a nung reng tawh ang,’ a ti.
Ex-Minister Pu Lalruatkima chuan MNF hi Party mai a ni lova, Mizoram leh Hnam Sakhua venghimtu- Mizo Guardian a ni, a ti. MNF chu kan hnam pasaltha-Martar te hniakhnung zui a kan ram leh kan sakhua venghimtu kan nihna hria a beidawng mai tur kan ni lo, a ti bawk. Peace Accord avanga kan neih India Constitution Article 371 (G) Mizote hi himna hrang hrangte, hnamdang in Mizoram ah In hmun lo ram neih phal anih loh thu te, Mizote sakhua leh rinna, kan customary law practices zawng zawngte humhalh tlat anih thu sawiin, veng him zel turin tan i la tlang zel ang u ati bawk.
‘ZPM sorkar hnuah kan inkalpawhna kawngpui a tha lo em em a, Chhiatna hrang hrang kan tawh mek laia, kan chief minister ber lah chu USA ah zinin bo daih mak a tih thu leh PWD Minister lah chu muthlu ang mai a ni, a mawhphurhna a hlen zi lo a ti bawk. Tunlai a Traffic Jam loh chhan chu Petrol/Diesil supply a harsatna awm vang a ni ati bawk. Kan kawngpui a that loh laiin ZPM sorkar ve leh chief minister tual zawl chu PWD in PCC flooring a cheithat a nih bakah, PWD Minister inbul motor kal theih lohna kha an sorkar rei lo te chhungin a chenna In a lut thei turin sorkar sum hmangin kawng siamsak a ni, a ti bawk.
MNF Treasurer ni bawk Pu Lalruatkima chuan ‘ZPM sorkar Council of Minister hmasa ber ten ZMC leh Lengpui Airport hralh an tum a hlawhchham a, Ni 100 chhung hmalakna tur hmachhawp a hlawhchham a, hmunphiah lei a hlawhchham a, a chingtute an beidawng bawk,’ a ti. Sum leh pai enkawl leh kawngpui enkawl ah an hlawhchham bawk tiin, Chhiah kan tipung lovang tiin an tipung lawi a, tunah North East state-ah Mizoram hi tuialhthei man sanna ber kan ni ta ani ti.
Assembly Speaker chungchang sawiin Pu RKA chuan, thla 9 chhungin Assembly Speaker enkawl nan a vaiin cheng nuai 65.23 hman a ni tawh a ti. Speaker Bangalow cheithatna atan Rs. 8,40,000/- leh speaker bangla furnishing atan Rs. 15,00,000 PWD atangin sen anih bakah Assembly secretariat pawisa hmangin Speaker Bangla furnishing atan Samsung/Sony TV engemaw zat, hmunphiah, tooth pick, wall clock/solar sana 9, pressure cooker 11, hmarcha rawtthleng leh Lungtat thlenga lei anih thu RTI chhanna atanga an dawn thu asawi. chuvang chuan Assembly Speaker Lungtat a Par em ni?’ a ti.
MNF Treasurer chuan ZPM sorkar hian kum 5 an daih loh a rinawm thu leh Delhi lamin kum 5 a rei an sorkar an rin loh thu an rawn sawi fo thu sawiin, RTI hmanga sorkar hmalakna dil zel an tum thu a sawi a. Pu RKA chuan Congress Party chu kum 2029 thleng tuna an hruaitute term pawhsei sak an nih avangin an party chhung boruak a tha lo hle tiin, MNF Party chu rei lo teah a sorkar leh thuai dawn thu leh hotute thu zawm a hmala turin party mipuite a ngen a ni.
