Vawiin chawhma dar 11:00 am khan Lalsawta President MPCC hovin LDCC hruaitute leh party a mi pawimawh tak tak ten President Chamber LDCC Bhawan-ah inkawm hona an nei a. He hunah hian Lalsawta President MPCC chuan, Lunglei in a mamawh hrang hrang a hmuh leh a hriat te a sawiin, Lunglei ah hian Traffic police in daih lohna avanga mipui leh lirthei nei tuten harsatna an tawh thin chu ngaih pawimawh awm a tiin Lunglei khaw pui thang chho zel leh mihring ke a kal ten harsatna/vanduaina/ chetsualna an tawh lohna tur hian Traffic Police te hi tih len an ngai a ni a ti.
Lalsawta chuan Lunglei by-pass road hi Lunglei mipuiin an mamawh zia leh hmalak thuai thuai a tul thusawiin, Pu Hawla hovin kan ngaihtuah em em a,
Lunglei tan a pawimawh em em tih kan hria a, chuvangin kan sorkar lai pawhin bul tanna tur sum pawh kan dah kha a ni a, vawiin thleng a hmalakna engmah hmuh tur a la awm lo hi a lungchhiatthlak hle mai tiin Congress party chuan Lunglei by-pass road a hlawhtlin hi kan duh tak zet a ni a ti.
Lalsawta MPCC President chuan Lunglei Greater Water Supply Scheme phase 2 chungchang pawh sawiin Lunglei hian in mamawh tak zet tawh ani tih kan hria a, he thil hi Congress Party chuan kan ngai pawimawh tak zet a, Pathian leh mipui zarah kan sorkar anih chuan heng thil pahnih Lunglei by-pass Road leh Lunglei Greater water Supply Scheme – phase 2 hi kan hmalak hmasak tur te zing a mi a ni dawn a ni a ti bawk.
Hetihrual hiam Lunglei Dist.a MNF MLA te chu dawihzep tak vek an ni tih sawiin, thil tha ah pawh an huaisen ngam lova, an dawihzep vangin Covid hrilen lai pawhin Pu Zodintluanga Thorang bialtu MLA leh CLP leader in RT PCR khawl Lunglei leh chhim mipui tan a pek pawh an dah mai mai tawh a, MLA huaisen pakhat tal chu neise, hetiang mai mai hian Lunglei khawpui hi a awm tawh lovang a, hmasawnna hmel thar Lunglei hian a hmu tur a ni a ti.
