Mizoram Rural Bank (MRB) Chairman thar atan hian Pi Sheryl L. Vanchhong chu ruat a ni a, a hna thar hi nimin khan a zawm a ni.
Pi Sheryl L. Vanchhong hiam kum 2001 khan State Bank of India (Delhi Circle)-ah Probationary Officer-ah bul tanin SBI branch hrang hrang – New Delhi, Kota (Rajasthan), Dehradun leh Noida-ah te a lo thawk tawh a. Kum 2006 khan NE Circle lamah sawn a ni a, Mizoram chhungah pawh Branch Manager, SBI New Secretariat Branch bakah Mission Veng Branch & Aizawl Main Branch ah te a thawk tawh a ni. Hemi hnuah State Bank Institute of Learning & Development (SBILD) Guwahati-ah Faculty hna zawmin, tuna MRB Chairman hna a zawm hma chiah khan Head of Stressed Assets Recovery Branch (SARB) Guwahati, SBI hna a thawk bawk a. Pi Sheryl L. Vanchhong hian MRB Chairman hna hi deputation-in kum 3 chhung a chelh dawn a ni.
Mizoram Rural Bank(MRB) hi September 1983 khan Regional Rural Banks Act 1976 hnuaiah din tan a ni a. MRB shareholder-te chu Govt. Of India(GOI) 50%, Govt of Mizoram 15% leh SBI 35%. Tun dinhmunah Mizoram Rural Bank hian Branch 102 leh hnathawk 475 a nei mek a ni.
