September 22, Zirtawpni hian Congress Bhavan-a Friday Political Session-ah thu sawi in, “Vawiin ni a kan ram dinhmun hi ngaihtuah chian a ngai a, Lalchhungkua leh an khawnbawl te tan lo chuan ṭah leh haṭhialna-ah a chang mek a ni. MNF sawrkar hnuaiah record tamtak a chhe zawngin kan siam mek zel a, ṭumkhata ruihhlo man hal tam ber record te, nungcha dân phal loh man hnemna ber state te, GSDP atanga teha leiba ngah ber state te min nih pui mek a ni.” a ti.
“MNF sawrkar hnuaiah hian sumdawngte an beidawng a, chawhmeh zuar te pawh an beidawng a, sawrkar hnathawk te pawh a hun taka hlawh an lak theihloh avangin an beidawng mek a ni. MNF mi leh sa ngei te pawh bill lak theihloh vangte in an beidawng mek a ni” a ti bawk.
“Vawiin ni anga kan ram dinhmunah hian tumah ralbang thei kan awm lo, hnam boral thei dinhmunah kan ding a ni. Ngaih tha taka awm theih a ni lo. Assam CM Himanta Biswa Sharma thusawi, ‘Christian te hi Corona Virus anga kan nuaibo an ngai a ni,’ a tih te kha kan ngaihthah thei lo. Mizoram CM, BJP thawhpuitu hian khulam a chi leh chi, sakhua leh sakhua intihbuainaah te khuan awka a nei ngamlo. Chuvangin BJP dodal theitu awmchhun Congress kan sawrkar leh ngei a ngai a ni” a ti bawk a.
Kan ramin hruaitu tha zui tlak kan zawng mek. Hruaitu chu kan nei, Pathian pawhin a hruai duh. Mahse, Pathian hruai theih an nih a ngai, tia sawiin, “Kan ram rum tlawk tlawk hi chhanchhuak turin Congress in hruaitu tha kan nei a. Pathian hruai theih hruaitu Lalsawta kan nei a, engvangin nge kan lungngaih ang” tiin a sawi bawk.
“Mi chaklo ber kalkhawm ni mah ila, Pathian hnenah tawngtai ila, Pathian kutah inhlan ila, Pathian in he ram leh hnam, sakhua humhim tur hian Congress hi min chawikang leh ang.” tiin MPCC Treasurer Dr. Lalmalsawma Nghaka chuan a sawi bawk.
He Friday Political Session hi H. Vanlalruata, Secretary MPCC chuan a kaihruai a, Lianhleia, Secretary Media Department chuan report a pe bawk a ni.