Vawiin ni 17.1.2025 (Zirtawpni) khan Congress Ṭhalai chuan Kawnpui to Khamrang (NH-54) kawng chhia a hmunah an tlawh a. Mizoram Youth Pradesh Congress Committee General Secretaries rual leh Secretary-te an kal a ni. He hun hi Pu Khawpuimawia, Treasurer MPYCC chuan hovin a hmuna awm leh motor khalhtute zawhna an zawh bakah thu a sawi bawk.
He hunah hian Pu Khawpuimawia, Treasurer MPYCC chuan ZPM Party ‘Kalphung Thar’ tia inzuar, Mizoram mipuiten an lakah nasa taka beiseina kan neih mek laia kan eibar lakluhna kawngpui pawimawh tak National Highway-54 heti taka chhiaa an dah hian Mizoram mipui damloh avanga zin veivâk thinte leh lirthei hmanga eizawngte min hmuhsitzia a lang chiang hle a ni, a ti.
Pu Khawpuimawia, Treasurer MPYCC chuan ZPM sorkarin ruahtui tlak hmaa VC/LC inthlan min neihpui chhan nia lang kawngchhia heti taka an ngaihsak lo hi Congress Thalai chuan kan dem hle a. Diesel leh Petrol aṭanga an cess 2% ve ve an lak atang pawhin sorkar hian he kawng pawimawh tak hi ngaihsak se kan duh a. Furpui lo thlen leh hma ngeia siamtha turin Congress Thalai chuan Mizoram sorkar kan phut tlat a ni, a ti bawk.
He hun hi Pu Zodinsanga, GS MPYCC, Pu Malsawmzuala, GS MPYCC, Tv. David Zochhuanmawia, GS MPYCC, Pu Lalhruaizela, Secretary MPYCC, Tv. Jerry Vanlalhlimpuia, Secretary Media & Publicity i/c ADCC, ten an tawiawm a ni.
