Mizoram chhunga Buhfai a lak luh dan thlirhona nei

Food Corporation of India in Mizoram chhunga Buhfai a lak luh dan thlirhona, State Consultative committee meeting vawi 13-na chu vawiin khan State Guest House Chaltlangah, FCI Mizoram Chairman K. Vanlalvena MP(RS) hova neih a ni a, he hunah hian FCI hotu lian bakah Food Civil Supply & Consummer Affairs Director Andrew H. Vanlaldika ten an telpui bawk.
FCI Chairman K. Vanlalvena, MP chuan FCI atangin Mizoramin buhfai May 31 thleng khan buhfai stock Matric Ton 7634.47 a neih mek thu sawiin, June thla thlengin buhfai matric ton 8519.64 a nei mek a. FCI in Mizoram chan tur bakah buhfai a pek belh matric ton 33.41.75 kan nei mek a ni, a ti. Kumin March thla khan 6233 MT Mizoramin buhfai a dawnga, April thlaah 8821 MT, May 11552 MTa dawn, a ti a. March atanga May 2022 chhungin Mizoram sorkarin AAY tan 895.88 MT, PHH tan 2932.375 a dawng bawk. Thla thum chhungin mid-day meal atan primary school tan buhfai 1083.12 MT dawn ani a, Middle School tan 780.25 MT dawn a ni bawk.
Khuarel chhiatna avangin Assam ram chhunga Dima Hasao chhungah Rel kawng a chhia a, heng avang hian Barabi ah Buhfai a rawn thleng thei lova, Guwahati atanga buhfai phur chhuak tur hian Motor lian truck ke 12 nei chi 26 in a phur lut mek a, motor hian buhfai 625.663 phur luh a ni tawh a ni, a ti. “FCI in Khawzawl district chhunga FCI Kudam 3341 Matric Ton lenna tur leh thawktute chenna tur quarter a sak turah kum 25 chhung atana ram hawh tura ruahmanna neih tawh chu kum 99 tan tihfel a ni zawk a. Hun rei lote ah Kudam sa tur hian Tender chhuah beisei a ni, a ti bawk.“Tun hnai buhfai lem an tih fortified rice chu FCI chuan buhfai quintal 1 zelah buhfai vawng tha turin kg khat a telh ngei ngei thu sawiin, hei hi mihring taksa hriselna atana pawi thei thil ni lovin buhfaia telh ngei ngei tur tur a ni, a ti.