Nimin khan AAP Mizoram hruaitute chuan Sawrkar Sikul zirna chungchang te, lehkhabu dawn kim loh chungchang leh Mizoram a zirna in hma a sawn theih dan turte sawiho puiin SCERT hotute an kawm.
AAP Mizoram hruaitute chuan tun thleng a Zirlai naupangteβn lehkhabu an la dawng kim lo chu hriatthiam har an tih thu an thlen bakah, sawrkar sikul a zirtirtu indaih lohna chuan naupang zirnaah harsatna a thlen nasat bakah zirtirtute an hah thin thu an dawng bawk.
Tunhnai hian thingtlang a zirna in hrang hrangte harsatna a hmunah an en a, sawrkar zirna Inte chu a tlabalin ngaihsak a hlawh lo tak zet a, rilru a tina tak zet a ni, an ti a.
“Inthlan hmabak kan ni a, political party teβn mipuite hnenah hun tawite chauh daih hamthatna (Short Term Policy) zawrh lo turin kan ngen duh a. Mizoram mipui lam pawh kan ram mamawh tak; hmasawnna tluantling beisei thiam a, chutiang pe thei tu tur party-ah rilru fim tak nena vote thlak turin kan ngen bawk a ni,” an ti bawk.