MPYCC chuan thuchhuah siamin, “Kan hmalawk Febuary ni 12, 2025 (Nilaini) hian Village Council leh Local Council-a mipui aiawha tualchhung roreltu tur thlan a ni dawn a. He inthlan hi Congress Thalai chuan tluang tak leh fel taka neih a nih ngei a beisei,” an ti.
Thuchhuahah chuan, “Hetianga mipui aiawhtu Local Council leh Village Council member thlan hun hi sorkarin mipui thlan lal ve tho te a palzut avanga an term an duh thlan pawh ni lova a pawh tawi sak vanga neih ngai a ni.
“Hetiang a nih lai hian he inthlan turah hian mipui aiawha ram rorelna thutthleng tibawrhbanga thuneihna hmang sualin ZPM sorkara Chief Minister, Minister’s, MLA leh an Party worker ten midang dikna leh zahawmna palzuta thlemna leh tawktarh tenawm tak tak nena Kohhran leh NGO kawra hmanga an che vak mai hi Congress thalai chuan pawi a ti takzet a ni.
“PWD Minister Pu Vanlalhlana chuan Mizorama thleng ngai lo leh la awm ngai lo sorkar office dawhkan zahawm tak atangin ZPM tan a Campaign-na Video Clip tichhuakin ZPM Worker te’n an ti darh nasa hle a. Hei hi Dan bawhchhiatna leh mipui zah lohna dik takah Congress thalai chuan a ngai a. Mipuiin rilru fim leh duhthlanna ngeia an aiawha roreltu tur an thlen theih nan a tul angin hma a la zui dawn a ni,” an ti bawk.
