Mizoram Pradesh Congress Committee (MPCC) chuan Primary School leh Middle School (Elementary stage) naupangten a thlawna chaw chhun an dawn thin Mid Day Meal scheme hnuaia chaw ei thleng leh bungraw dang supply chungchangah thil fel lo lian tak a awm niin a hria a. He thil hi a tul ang a chhuifiah a, hma la turin MPCC chuan MNF sorkar a phut a ni.
MPCC chuan, “Mizoram sorkar hnuaia Elementary School hrang hrang tan Mid Day Meal Scheme hnuaiah Chawei thleng, Fianpui leh Dekchi liante tun hnaiah supply a ni a. Heng bungraw hrang hrangte hi semchhuah mai theih turin District hrang hrangah thawn kual niin, zirlai naupang chaw chhun eina tur bungruate hi a nih tur ang aia te leh quality chhia a nih avangin District Project Coordinator Office-te chuan School-ah an sem chhuak ngam lo a ni. Mid Day Meal Scheme hmanga zirlai naupangten a thlawna chaw chhun an ei theihna tur leh zel sum siam nana hmanga a nih ang tur ni lo bungrua supply a ni hi MPCC chuan pawi a tiin tha lo a ti tak zet a. Bungraw chhe tak supply tu hi NABARD loan hmanga School sak that hna tam tak thawktu, Education Minister thian hnai tak, a Consultancy Firm hman thiam Allied Concern a ni nghe nghe. Heng zirlai naupangte chaw chhun eina tur bungraw chhia leh a nih tur ang ni pha lote hi a rang thei ang bera Bungraw dik leh tha zawka thlak thuai tur leh thil dik lo titute dan anga hrem ngei turin MPCC chuan sorkar kan phut a ni,” tiin thuchhuah a siam.
