Vawiin ni 10.10.2024 (Ningani) dar 2:30pm khan Central YMA Committee Room ah NGOCC leh Mizoram Commercial Vehicle Union ( MCVU) te an inkawm a, an inkawmna hi Pu Lalhmachhuana, Chairman NGOCC (President, CYMA ni bawk) in a kaihruai.
An inkawmnaah hian tunhnaia Sawrkarin Oil man a tihsan chungchang leh a kaihhnawih te, Mizoram Commercial Vehicle Union ( MCVU) in karleh ni 14.10.2024 atanga Oil man san leh kawng chhia avanga tlan loh an tum chungchang te an sawiho a ni.
Ni 8.10.2024(Thawhlehni) a Chief Minister in NGOCC hruaitute hnenah Oil man tih to chungchang hi Cabinet meeting thurel a nih avangin Cabinet meeting bawkin a ngaihtuah leh a ngaih thu leh Cabinet meeting koh thuai a nih tur thu te, chumi chhung chuan ‘Kept in abeyance’ a dah a nih tur thu a lo hrilh chu NGOCC hruaitu te chuan MCVU hruaitute an sawipui a. MCVU hruaitute chuan ni 12.10.2024(Inrinni) ral hma in Sawrkarin MCVU hruaitute hnenah tawngka ngeiin a hmalak tum dan hrilhfiah se an ti a. NGOCC hruaituten Sawrkar leh MCVU hruaitute inkawm dan tur ruahmanna lo siam se an ti.