Hualngohmun khaw hnuaia Saza pachal hliam chu report an dawn angin vawiin khan Forest lama hnathawk ten enkawl turin a man hautak tham viau mahse an lachhuak a. A dinhmun dik tak hre turin enfiah a ni ang. Thudawnna chuan silaia kahna hnuhma ang tak a awm niin a sawi.
Thudawn danin, “A chi-ai lutuk loh nan mipui hmuh theih loh turin silpaulin hmangin zar hliah phawt a ni a. Chutah len hmangin khuh a ni a, a hlinna hmangin hlin a ni bawk a. A hmun a rem lo si, amah a la chak bawk si, kawrah a rawn zuang thla a. Mihring pawh an han tlu rap rap hial a ni,” a ti a.
“Wildlife lam staff te an fakawm khawp mai. Vanduaina tawh theihna karah tha thlah lovin an ṭawn fel thei ta a. Motor hmangin a dinhmun enfiah turin tlai dar 5:30 vel khan hawn a ni a. State Veterinary hospital panpui nghal a ni,” a ti bawk.
