BJP Mizoram chuan vawiin 23rd April 2025 (Wednesday) zingkar a Aijal Club ah LADC a Sorkar thar Joint Legislature, BJP Led Government siam ani tur chu lawmawm an tih thu an sawi.
LADC a Sorkar-na siam tur chungchang a Meeting hi BJP Mizoram State President Vanlalhmuaka’n a kaihhruai a, he hunah hian MNF Party atangin Robert Romawia Royte MLA, BJP atangin Dr K Beichhua MLA leh Delson Notlia MDC, BJP National Minority Secretary te telin, LADC MDC Member 13 leh Nominated Member 1 te nen an vaiin Member 14 an tel a ni.
Lai Autonomous District Council (LADC)-ah hian ZPM chhuahsana BJP a lut ta MDC pahnih (2) te leh MNF MDC 11, ten Sawrkarna hi an siam dawn a. Congress MDC 1-in pawnlam atanga a Support dawn avangin LADC ah hian Joint Legislature, BJP Led Government Sorkar tha tak mipui Sorkar siam a ni dawn a ni.
Aijal Club-a Joint Legislature Party meeting chuan N. Zangura ZPM chhuahsana BJP zawmtu, M. Kawnpui bialtu MDC chu Legislature Party Leader-ah lungrual taka thlan a ni a, vawiin vek hian Governor hnen ah LADC a BJP Led Government siam anih theih thu thehluh nghal a ni bawk a ni.
LADC a ZPM MDC Zirsanga kaihhruai Sorkar na kalpui mek hi Floor test paltlang lo an nih avangin Mizoram Governor chuan Sorkarna siam tur chuan Dan ang ngei a Floor test paltlang angaih thu a hriattir a, Zirsanga kaihhruai ZPM hian Budget Session nei mek in, Mizoram Governor chuan Floor test pal tlang lova Executive hmalakna reng reng chu dan kalh anih thu hrilhin arang thei ang ber a Floor test nei turin hriattirna lehkha a pe a ni. Chutihlaiin vawiin a MDC Member 14 te hian tun a LADC a Sorkar ah hian rinna an nghat thei lova, Joint Legislature dina BJP Led Government din mai tha a an hriat avangin Member 14 te chuan nizan 22nd April khan Aizawl rawn pan nghalin, tukin 23rd zingkar ah BJP leh MNF te chuan Joint Legislature din in Pu N Zangura chu Leader atan lungrual takin an thlang ta a ni.
