ZPM Thalai chuan vawiin khan thuchhuah siamin, “Pu Lalduhoma leh a kaihhruai ZPM, mipui sawrkarin, an lo sawi lawk tawh ang ngeia Mizoram hmun hrang hrang District 11 a, Collection Centre 60 chuang an buatsaihah Kut hnathawktute tharchhuah Sawhthing 1kg Rs 50/- a an lei ṭan ta hi ZPM Ṭhalai chuan lawmawm a tiin, Kut hnathawk a eizawngtu te’n tlumte thlira an lo thlir ṭhin atak ram a chang ta hi ZPM Ṭhalai chuan a lawmawm kan tiin kut hnathawka ei zawngte kan lawmpui takzet a; Pu Lalduhoma leh a kaihhruai ZPM, Mipui sawrkar chu kut hnathawktute tana innghahna tlak a nihzia chiang takin a langah ZPM Ṭhalai chuan kan ngai a ni,” an ti.
Thuchhuahah chuan, “MIP/NLUP/SEDP hmanga Kut hnathawka eizawng chhungkaw ṭhenkhat kalhlen a, Party mi leh sa induhsakna hmanga sum sem Policy ang lo taka, Sawrkarin Thlai thar lei tur a thlan bik heng : Sawhthing/Aieng/Hmunphiah/Hmarcha chingtute tana theihtawp chhuaha hma ala chho mek hi ZPM Ṭhalai chuan Lawmawm kan tiin kut Zoram kut hnathawktu te’n hun chhinchhiah tlak tak an thleng mek niin ZPM Ṭhalai chuan kan ngai a, kut hnathawka eizawng chhungkaw tam takin hmasawnna rahbi thar an thlen phah ngei ZPM Ṭhalai chuan kan beisei bawk.
“Pu Lalduhoma leh a kaihhruai ZPM, Mipuite Sawrkarin kut hnathawktute tana an hmachhawp an tihhlawhtlin chhoh mekna kawnga a buaipui theitu Sawrkar Department hrang hranga thawktute leh a changtu Minister-te inpekna leh thawhrimna ah ZPM Ṭhalai chuan Lawmthu kan sawi tak meuh meuh a ni,” an ti bawk.
