Peoples’ Conference Party chuan, “Hun rei tawh taka ta Hachhek biala Kuhva chingtuten an kuhva thar dehralna lama harsatna lian tak an tawh sutkian sak tura Mizoram sawrkar an ngen thinna ten vawiin thlenga awmzia a nei thei lo hian MNF sawrkarin kuthnathawktute a ngaihthahzia a tilang chiang hleah PC Party chuan kan ngai a.Mizorama kuthnathawktute palzam tu MNF sawrkar kan dem tak zet a ni,” an ti.
Thuchhuahah chuan, “Hetianga Pu Zoramthanga kaihhruai MNF sawrkarin Hachhek Bial Kuhva Chingtu Pawl (HBKCP)te harsatna a sutkian sak theih loh avanga tunhnai a lo zin India President hnena an manganna thlen a ngai ta hial mai hi chu PC Party chuan a mualphothlak kan ti tak zet a, a rang thei ang bera inthingharh turin MNF sawrkar kan chah a ni,” an ti bawk.
