Excise & Narcotics Dept. Lunglei chuan kumin kum chanve, January atanga June thla chhung khan Mizoram sorkarah chhiah Rs. 13,12,950 an chhunglut.
Heng zingah hian Sapzu atangin Rs.10,97,650; fines and confiscation atangin Rs. 2,15,300 a tel a. Ruihhlo chi hrang hrang – khuh damdawi leh Ganja engemawzat manin Heroin Kg. 2.742 an man bawk a. Ruihhlo kaihhnawihah lirthei 12 an man a. He kum chanve chhung hian MLTP leh NDPS Act hnuaiah mi 273 man an ni a, he dan pahnih hnuaiah hian Case 255 ziah luh a ni.
Excise & Narcotics Deptt Lunglei hi Asst Commissioner-in awpin an indaih lo hle niin thudawnna chuan a sawi a. Sub-Hqrs.YMA Lunglei pawhin niminpiah mai khan Minister Pu Lalnghinglova hnenah Lunglei Excise deptt thuam tha turin ngenna an lo thlen a ni.