Kolasib Dsitrict ah Vawk pulhri ASF hmuhbelh zel

Vawk pul hri, African Swine Fever Kolasib district-ah hmuh belh zel a ni a, tunhnaia sample test, Inrinni lama result tihchhuah ah Village Council VC 8, Kawnpui VC-4, Bilkhawthlir North leh South, Zanlawn leh Hortoki khua a vawk thi te chu African Swine Fever vang a ni tih finfiah a ni. Vawk pulhri ASF positive hmuh chhuah a nih avangin District Veterinary Officer Dr Engkunga Chhangte chuan heng khua (VC area) te hi ASF hri lenna hmun ‘Infected Area’ ah puangin hei hi vawk pul hri a darh zel loh nan leh dan chahna tur a nih thu tarlang.
Hrilenna hmun (Infected area) hi June 10, 2022 atanga thuleh awm hma atan hman tur niin hemi huamchhunga awm te tan vawk talh khap a ni a, heng hmun atanga vawk, vawksa leh vawksa atanga thil siam reng reng lak luh leh lak chhuah khap a nih bakah vawk thi reng reng chu paih mai lovin thuk takah chinai nen phum tur a nih thu a tarlang bawk. Hemi hma hian Kolasib Project Veng leh Lungmuat te chu hrilenanna hmun (infected area) ah puan a lo ni tawh bawk a ni.