State Election Commission ruahmanna angin Champhai District chhunga Village Council pathum – Ngur, Leisenzo leh New Champhai, bakah Sihphir Venghlun Village Council leh Khawzawl District-a Dinthar veng leh Chawngtlai khua ah te nimin (24.09.2024) khan VC By Election neih a ni a. Boruak muanawm tak hnuaiah inthlanna hi neih a ni a, vote chhiar zui nghal a ni.
Leisenzoah hian voter 610 awmin, mi 367 (mipa 190 leh hmeichhia 177) in vote an thlak a. Vote za zela 60.16% a tla a ni. Vote thi 15 a awm. Candidate te vote hmuh dan hetiang a ni.
1. K. Kapliana (ZPM) 199
2. Ningdotlingi (MNF) 153
New Champhaiah hian voter 983 awmin, mi 573 (mipa 289, hmeichhia 284) in vote an thlak a. Vote za zela 58.29% a tla a ni. Vote thi 6 a awm. Candidate te vote hmuh dan hetiang a ni.
1. Zothantluangi (INC) 315
2. Vanlalvuana Rokhum (ZPM) 252
Ngurah hian voter 1091 awmin, mi 839 (mipa 405, hmeichhia 434) in vote an thlak a. Vote hi za zela 76.90% a tla a ni. Vote thi 82 a awm. Candidate tling te vote hmuh dan hetiang a ni.
1. Hrangsaipuia Sailo (MNF) 443
2. Lalthansanga (MNF) 398
3. Lalrammawia (ZPM) 385
4. Langsuanpauva (ZPM) 367
5. Dimlangi (MNF) 424
Khawzawl Dinthar Village Council (VC08013) member thar tur inthlanna (by-election) neihah pawh ZPM Candidate, Pu Lalhmingsanga chu thlan tlin a ni. Pu C. Vanlalena, Khawzawl Dinthar Village Council member ni thin boral ta a thlak ang.
He inthlanah hian contesting candidate mi 3-te vote hmuhdan chu
1. Pu K. Lawmthanga, INC vote -128
2. Pu R. Rohmingliana, MNF vote -212
3. Pu Lalhmingsanga, ZPM in vote -213
Vote thi 1 a awm bawk.
Khawzawl Dinthar electoral roll-ah hian voter 797 awmin mipa 394 leh hmeichhia 403 an ni a, Vawiin VC By Election ah hian vote 554 tlain voter hi 100 a 69.51 vote ang an ni (69.51% voter turnout).vote theihna hmun hi polling station pakhat Govt. Little Flower School-ah siam a ni.
Hetih lai hian Chawngtlai VC By Election neih tur a lo ruahhman chu seat 5 awmah candidate te chuhtu awm lo a chak a puan a ni a, candidate-te chu a hnuai a mi te hi an ni:
1. Pu PC Sangzawna MNF
2. Pu Lalhmutluanga INC
3. Pu Lalnunsanga ZPM
4. Pu HC Lalrinenga ZPM
5. Pi Biakremmawii ZPM te an ni.ZPM Candidate S. Lalnunpuia chuan a vaiin vote 797 hmu in a khingpui MNF Candidate K. Lalthantluanga chuan vote 639 a hmu a, vote 118 in an inthlau a, vote thi 15 a awm bawk. Sihphir Venghlun VC ah hian Polling Station pathum – Sihphir Venghlun-I, Sihphir Venghlun-II leh Nausel a awm a; Electoral Roll a chuang mi 2508 an awm laiin mi 1411 in vote an thlak a ni.