BJP Mizoram chuan CADC-a Village Council inthlan neih zawh taka CADC mipui te’n BJP ah rinna nasa tak nghata, Village Council ah khaw 64 laiah Sorkarna BJP min pek avangin BJP Mizoram chuan lawmthu an sawi a ni.
BJP Mizoram chuan, “Village Council inthlan pawimawhzia ahria a, khawtlang hmasawnna siamna kawnga hma latu pawimawh tak a nih avangin, CADC mipui te’n BJP ah rinna an nghat ngam leh hmasawnna ṭha zawk beiseina an neih na hian, Development for All thlenna atan BJP lo chu a awm lo a ni tih ati chiang hle ah kan ngai a. CADC a BJP kaihhruai Sorkar ah rinna an nghat ngam hi a ropui kan ti takzet a, an beisei ang ngei Development CADC Mipuite’n an hmuh theih nan BJP Mizoram Headquarters chuan hma kan lak pui dawn a ni.
“He inthlan ah hian BJP Mizoram chuan hnehna sang tak changin, Village Council 88 awm ah Village Council 64 ah BJP Sorkarna kan siam thei a, Seat awm zawng zawng 516 aṭangin Seat 364 lai BJP chuan kan la thei hi lawmawm kan tiin, CADC a BJP hruaitute inpekna leh an thawhhona ṭha tak a awm vang a ni tih a chiang a, hma lam hun eng tak BJP chuan kan nei zel hi a lawmawm kan ti takzet a ni. CADC mipui te avanga BJP in hnehna sang tak kan nei hi Central Leader te pawh an lawm hle a, CADC mipui te hnenah lawmthu an sawi bawk a ni,” an ti.
