February 21, 2025 (Zirtawpni) hian Mizoram Pradesh Congress Committee chuan Congress Bhavan, Aizawlah Friday Political Session an nei a. Senior Vice President Lalnunmawia Chuaungo chuan thu a sawi a ni.
“ZPM chu tihloh ang a awm, kan tih ang antih ti lova, ti lovang an ti ti thin an nih vantlang hriat a ni ta. Anmahni tantu tam tak an beng a thlep tawh, lemchanna in a daihrei lo, thudik lo puarpawleng chu thiam taka sawi pawh ni se a daih rei lo, a puakkeh thuai zel. Kan sawrkar hrawn mek hian a daihrei dawnin a lang lo, ram leh mipuite tana rawngbawl turin Congress bak beisei tur a awm dawn lo. Congress a tha a ni mipui ten an tih theih tura kan cheziaah pawh kan lantir a ngai a ni,” Lalnunmawia Chuaungo chuan a ti.
MPCC Sr. Vice President chuan, “ZPM hi chuan tawngka bakin corruption do a tum lo tih an thiltih in a tilang a, an sorkar phat atanga an kal dan thlir chuan corruption tih kawnga duhtawka an sapatal theih nan kawng an sial a, chu chu hunin a hril dawn a ni.
“An sorkar hnu lawkah Lokayukta dan an siam danglam nghal a, Congress sorkar lai chuan sorkar thuhnuaia awm lo Lokayukta chauh corruption case chhui thei a ni. Chief Minister pawh chhui thei tur Lokayukta Act hi Congress sorkar laiin kum 2015 ah pass a ni a. Chief Minster Pu Lal Thanhawla hun laiin Lokayukta Chairperson ruat tura hmalak a ni a. Selection Committee member pakhatin duhdan hran a neih avangin a thutlukna siam mai theih lohvin a awm a. Chu chu MNF sawrkarin bawhzuiin Mizoram Lokayukta Chairperson atana sawrkar hmasain a chhawp chhuah chu kum 2019 khan ruat a ni ta a ni.
“Inthlan dawn khan Congress te chuan Manifesto ah pawh Lokayukta kan thuam chak ang tiin kan dah a.. ZPM pawhin Lokayukta kan thuamchak ang ti ve siin a ti thuanawp zawngin hma an la ta zawk a. Lokayukta Act 2015 hnuaiah chuan sawrkar thuhnuaia awm ACB ten anmahni thuin corruption case chhui theihna an nei lova, Lokayukta in titura a tih chauhin an tithei a ni. ACB a post 25 lai Lokayukta ah transfer tura thutlukna awm, pendinga sawrkar kal ta in a dah chu tun thlengin tihhlawhtlinloh pending in a la awm a. Duh se chu ZPM sawrkar hian kar khat chhung lekin Lokayukta ah a transfer thei. Mahse an sorkar atanga kum khat hnuah pawh an ti duh chuang lo.
“An sawrkar hnu lawkah Mizoram Lokayukta Dan tidanglam zawkin Lokayukta thuam chak lam ni lovin a ti thuanawp zawng leh hna thawk tak tak thei lo tur zawngin an kal zuita zawk a.
“Lokayukta chauhin corruption case chhui theih tura tih pawh an rawnti dalta a ni. Tunah chuan Chief Minsiter leh Home Minister ten direct a an controlna hnuai ami ACB leh Police te pawh Lokayukta hriatpui lohvin corruption case chhui thei turin an tih dah ta a ni.
“Prevention of Corruption Act a Section 17A phenah hmangin state sawrkar phalna la hmasa lo chuan sawrkar hnathawk, Minister leh CM te Lokayukta hian a chhui thei tawh lo a ni. CM leh minister te chhui ngai ni se la, lokayukta in a chhui ngawt thei tawh lo state sorkar phalna a lak hmasak zel a ngai tawh a, Lokayukta hi state sorkar peng pakhat ang chauhah an chhuahta a ni.
“CBI te hnenah general consent kan pe ang te an tia, chhuanlam an siam leh a. He sorkar hian hmui chauhin corruption an do a, restricted tender nuaibo te an tia, an sorkar chiaha an nuaibo lo hnekin sawrkar hmasa hun lai aia hluarin an che tawh zawk a. Tunhma a kan la hriat ngai loh Work Supervisor te an an tia, work supervisor hi an duhsak zawngte contract hna pekna a nia. RTI in kan zawt chiang a, Work supervisor tur hian qualification ngai a awm lo, experience ngai a awm lo, sum leh pai, khawl etc neih a ngai lova. Work supervisor tura qualification ngai awm chhun chu ZPM minister ten an duhsak nih kha a ni mai. Chuvangin corruption hi a hluar zawngin a kal mek a ni.
“Kan ram a chhe zawnga a kal loh nan lokayukta act amendment an siam te pawh sut leh turin kan ngen a.State sawrkar phalna la hmasa kher lova CBI te pawh lokayukta in a hman theih turin consent a pek theih a, ti teh u phalna pe teh u te kan tia a, mahse, chung te pawh chu min chhang thei lo. I sawiho ang u kan tih pawhin hun an nei bawk si lo. Chu chu politics a inbeihna nilovin kan ram mipui te hmakhua thlir a, ram leh mipui ten an tawrhna a thlen loh nan kan tih zawk a ni.
“Ram leh mipuite tana thatna duha hmasawnna duhtu kan ni sa, ram leh hnam pawi khawihna awm tur ven nan chuan ke kan pen tur a ni. Sawisela ram tan tum kan ni lo, ram leh mipui te thlavang hauh tur chuan kan auchhuak zel ang.
“Nikumah assembly session hmasa berah thlaithar leinanturin vbch 110 kan dah a ti a. Nikum khan vbch 110 kan dah an tih atang khan nuai ruk bawr vel an hmang a. Kuthnathawk tute thlai thar lei nan cheng khat pawh an hmang lo.
“Kuminah hian an intiam anga an lei thei chuan a lawmawm ang. An ruahmanna siam hi a phuailuai riau a, phuailuai deuha siam hi an duhsak ten hlawkna an chan theihna tur pawh ni thei a ni. Uluk deuhin kan thlir dawn a ni.
“Kuthnathawktu ten an thlai thar te hlawk taka an hralh theihna tur chu kan thlawp a ni. Mahse, mitlemte tena hlawkna an chan theihna chauh tura ruahmanna erawh kan dodal dawn a ni,” a ti bawk.
