Mamit khawpui chhung chhuah lam leh tlak lam kawngpui siam hnathawh mek, PWD Mamit Division te enkawl chu nimin khan MJA, Mamit District leh he kawng enkawltu PWD hotute leh contractor ten a hmunah an en ho.
He kawng siam hna hi ni 31.3.3023 ah thawh tan niin, ni 31.3.2024 a thawh zawh tura ruahman a ni a. Tuna hna kallai mekah 93% an thawk zo tawh niin PWD hotute chuan an sawi.
Mamit Ring Road hnathawh ah hian blacktop a tel lova, Widening, Culvert & Retaining Wall siam hna thawh zawh tawh a ni a, WBM phah hna thawh mek niin, tunah hian tlak lam hi thawh zawh tawh a ni a, chhuah lam thawh leh mek ani a. An hnathawh ah mipui lamin tha tawk lo leh lei an phah ni a sawi awm chu MJA te hian a hmunah enin an zawt chiang a, an Work Manual in a phal ang leh siam dantur ni a a sawi anga thawh anih thu leh an hmanraw hmante a chhiat loh thu an sawi a ni.
Blacktop nghal theihna tur sum a awm loh vangin tuna an thawh chinah sum awmdan nen a en in a tha thawkhat ni a ngaih ani a. Kawngpui bakah culvert leh retaining wall engemawzat siam ani bawk. Tin, he hnathawktu contractor te pawh PWD Engineer te hian an vil tha hle bawk ani.
He kawng siamlai en a kal MJA memberte hi PWD SDO leh JE ten an enpui a ni.