JAC Durtlang Khawthleng YMA chuan thuchhuah siamin, “Durtlang khaw chawitu ramngaw kan neih zinga kan roh em em leh Mizoram ro tling. Khualzinte tana hmun nuam. Aizawl khawpui boruak thianghlim siamtu awm chhun tlemte zinga mi, Durtlang Leitan kham ngaw leh helai kawngpui mawi takte tichereu leh tichhe zawnga mimal chenna In sak, sumdawnna hmun leh chuktuah huan atan tea tun hnaia nasa taka suasam a ni leh, hemi avanga mipuite dinhmun hlauhawm leh thlabar taka kan awm ta mek hi Joint Action Committee. Durtlang Khawthleng chuan pawi kan ti hle a, kan rilru a na tak zet a ni.
“Helai hmun hi khualzin leh mipui te’n kan hlutin, ke a kal thin pawh kan pung mek zel a. kawngpui leh ke a kalna tur hmun (pedestrian footpath) ring leh behchhana dawr siam phalna pek a ni leh ta zel hi pawl kan ti tak zet a. He hmun hlu tak hi humhalh a, tihchhiat belh zel anih loh nan rang taka hma la nghal turin Sawrkar thuneitute kan ngen a ni.
“Tin. Aizawl khawpui kawtchhuah kawng pawimawh. Silchar tlangdung khaw mipui tam takten tukzana kan hman hi kham pang hmun awih anih avangin, khuarel chhiatna (mihring siam chawp thin) a thleng foΚ» thin a. Hetiang a thlen thulha helna kawng awm chhun Zuangtui to Selesih Road pawh ngaihthah niin, siamthat a hlawh Ieh thin hi tuna kan Sawrkar thar hian mipui mamawhna hria a. A rang thei ang bera min siamthat sak turin kan ngen tak meuh a ni.
“Aizawl khawpui tana hmun hlu leh mipui tana tangkai kan la neih tlemte zing ami Durtlang Leitan khama thing leh ramngaw tichereu zawnga hmalakna awm mek leh la awm zel thei lakah te. Durtlang Leitan to Bawngkawn kawngdung tichhia a, ti him IoΚ» zawnga hmalak meknaah hian mipui aiawhin Joint Action Committee Durtlang khawthleng YMA intelkhawm chuan a humhalh leh venhim hna thawk turin engpawh hmachhawn huamin theihtawp chhuahin ke a pen zel dawn a ni,” an ti bawk.