Vawiin chawhnu dar 1:00 khan Congress Councillor pahnih Rosiamngheta leh Zodingpuii te chuan Aizawl Press Club-ah Chanchinthar lakhawmtute an kawm a. “India danpui chuan Municipal chu mahni a ro inrel tiin a sawi a, a mawhphurhna pekah te chuan tuma rawn ngai lovin thuneihna a neiin aman ro a rel tur a ni,” An ti.
Rosiamngheta chuan, “AMC din tirh anih atang khan zawi zawiin hma sawn ve zel a, nimahsela tunah chuan sorkar lai Puppet angin An kalpui tlan hi thil pawi tak niin, a thuneihna leh a tih tur pawh chhuh then zel a ni mek a ni.
“AMC ah hian MNF sorkar hnuah thuneihna pek belh a awm lova. Municipal tha zawk min tiamtu te hian min ti chhe mek zawk a ni. Congress Sorkar hnuaiah AMRUT scheme atang pawhin 15 crore lai hmuh a nih laiin, MNF sorkar hnuaiah erawh MNF kaihhruai Municipal hian palzut bak enamah a hlawh ta lo.
“Solid Waste Management Center HuaIngohmun a siam na atana Central atanga sum lokal 16 cr chuang a hmun buatsaih leh buaipuina tur pawh Municipal a pek phal lovin Sorkar in khawih a tum a, hei pawh hi Municipal tana lokal nimahse State sorkarin a pe phal lo a ni.
“Tin, NLUM, Street Vendor te hi Municipal buaipui tur a niin Vending Zone Identify a an mamawh te tih sak tur anih laiin, ID card siamna tih vel te te chauh lo chu MNF Sorkar hian Municipal a pe phal lo va, khawpui chhunga miharsa, kawngsir a inzuar mek ten harsatna an tawh phah a ni. Aizawl khawpui chanvo pawh hriat theih a ni lo.
“AMC Autonomy nihna chu zawi zawi a palzutin, Vehicle Auction chungchangah pawh mahni a thuneihna nei thin chu sorkar thu ngaichang leh tura tih mek a ni. Congress sorkar hnuaiah AMC chuan a Garbage Truck 50 zet chu ama thuneihnain a ti ral (Privatize) a. paihna tunah hian Cess Pool (Ek paihna motor tih ral leh tura tih chu Sorkar in an thuneihna anih thu leh Auction Board kal tlang anih tur thuin an thunun rih a ni. Hetiang a Municipal thuneihna kebaia siam tumna hi MNF Sorkar hian simin Constitution in a sawi ang ngei a. Institution of Self Goverment anihna hi ti pung zawk turin kan ngen a ni.
“MNF Municipal pawh hian mipui leh Local Council te tih chakna lamah hma a la duh a. Term hmasa a Passed tawh Local Council te hman tur a Leih lawn sei (Alluminium Ladder) BOC Meeting lo passed tawh pawh tun thleng a lei a la ni lova. Tun term a Emergency Response Vehicle BOC meeting ngei a lei tura a lo passed tawh pawh Budget Provision ah dah a la ni lo a ni.
” Building regulation ah bawhchhiatna a tam a. Municipal dan zahlohna a lian hle, mihausa ten Court ah khingin Municipal thuneihna palzutin Municipal order an stay thin hi a zahthlak hle a ni. Municipal spirit self government chu tih chhiatin a awm mek a ni. Building permission NOC hi LC te pek tur a in a. Site plan a leng si ( AMC Building regulation 5 (10 (3)) an pe duh lo a nih chuan an pek duh loh chhan kha municipal in a zawt tur a ni a, a tul anih chuan LC te NOC tel lo pawhin AMC in a chhui chian hnuah insak phalna a pe thei a ni.
“Insak dilna thehluh hnu a thlakhat chhung a engmah indawr tawnna (Coresepondence) awm lo chu, permission hi ngai lova ngaih a ni,” a ti bawk.