Hrangchhunga kum 75 Khuangthing chu nimin zing dar 5:15 vel khan an in chhungah Chawngkawr(Rul) in a chuk avangin Khawbung PHC kawt tualah a hliam tuar lovin a thi.

Khuangthing atanga thu a dawn danin nimin zing khan Hrangchhunga chuan a zing meichhem tur thuk bula Zawhte leh Chawngkawr lo in sual thelh a tum lamah Chawngkawr chuan a ke phah dinglam hmun hnihah a chuk a. Chumi hnuah a kutah a chuk leh ta a, amah vek hian Rul hi a tihlum nghal.
Rang taka Khawbung PHC panpui nghal a ni a. Motor-a an in dah luh tirh pawh hian Hrangchhunga hian a lei chu a tawt tawh tih a sawi a. Khawbung PHC chhunga an luh hma, damdawiin tual an awm laiin a boral ta a ni.
Hrangchhunga te in hi concrete a sak niin Zawhte luhna turin an rek kua a, chumi atang chuan in chhungah hian Rul hi a lut nia rin a ni a. Khuangthing khua atangin Khawbung hi Km 12 vel a hla niin Khawbung damdawiinah posmortem nghal niin nimin vek khan vuiliam nghal a ni.
Champhai DFO Pu Duhthlana leh a staff ten he thil thleng enfiah turin Khuangthing khua an pan nghal a. Forest Depment hian Hrangchhunga chu Rulin a chhuk hlum avangin zangnadawmna a chhungten an hmuh ngei theih nan hma an lak tur thu a sawi bawk. DFO Staff te chuan Hrangchhunga ralna RS.10000 an hlan bawk a, Khawbung RO leh Staff te pawn ralna an an hlan ve bawk.