District Council; & Minority Affairs Department changtu Minister Pu R.Lalzirliana chu Autonomous District Council area atanga NGO te nawrna leh ngemia avanga a chanpual DC&MA chu Robert Romawia Royte Minister of State hnenah pek a ni a, hei hian thluaka sum lut an tih hi a ti lang hle, tiin Ngunlianchunga MLA chuan a sawi.
Vawiin khan Ngunlianchunga MLA chuan Aizawl Press Club ah chanchinthar lakhawmtute kawmin, tun laia kan rama lakr tak thluaka sum lut kaihhnawihin kan ram a nghawng nasa tiin a sawi a. Ni 17.6.2022 a Deed of Agreement DC&MA leh NECS ten an ziaka, he NECS neitu hi Vanlalfelpuia Royte S/o Robert Romawia Royte a ni. He ta neitu hi DC&MA minister thar Robert Romawia Royte fapa a nia hriat a ni a. Hei hian sorkar kalphungah leh representation of people’s act 1951 Sec 9(A) a kalh a, chuvangin deed of agreement tal hi sorkar hian a cancel tur a ni a, a cancel dawn lo a nih chuan he a portfolio hi Robert Romawia Royte hnenah hian pek tur a ni, a ti.
Tun sorkar kallai hian DC&MA Depatment kal tlangin Sports Infrastructure ah hian Lawngtlai District a tan cheng naui 11,376.39 1 lai mai PMJVK scheme hnuai atangin a la chhuaka a. Infiam mite tan a lawmawm em em rualin, ADC area awm mipuite tan erawh chuan an thawh ve theih tur awm ang hna pawh 99% lute emaw duhsak bik farm pek an ni ta vek hi a lungchhiat thlak hle a ni, a ti.
Ngunlianchunga chuan, hetianga an rate ngei firm leh DC&MA ten Deed of Agreement an sign tawh hnua a, Pa ber Minister Robert Romawia hna chanpuala kan CM in a han pe leh hian hian Thluaka sum lut an sawi fo hi an pahnih hian an va nih mai hmel ve, a ti a. Hnung thak inhiah tawnnna awm ngei niin a lang a, chu mai bakah ADC area mipuite hi he MNF sorkar hian engahmah a ngaih loh zia a ti chiang hle, tiin a sawi.
