Hnahthial Thalai Pawl (H|P) chuan vawiin chawhma khan Press Conference an nei a, he hun hi PC. Lalthantluanga, Secretary H|P chuan kaihruaiin a, an pawl president J. Lalhmunmawia chuan Hnahthial khawtlang tih hmasawmna tur sum lo kal tam tak a hmanna tura tha taka hman a nih loh thin avang leh tha taka hmang tura |halai Pawlin BDO hnena an ngen hnuah pawh a zawm duh loh avangin Hnahthial |halai Pawl chuan Hnahthial khawtlang mipui zah lohnaah a ngai a, BDO Pu Lalneihthanga Colney chu BDO ni chhunzawm zel tlakah a ngai lova, a rang lama Hnahthial District chhuahsan turin sawrkar pawh an phut tih a sawi a, September thla ral hmaa transfer order an hmu lo a nih chuan BDO office kai dang tura hmalak a ni ang a ti.
Thalai Pawl chuan February thlaa BDO office-ah an leng a, MNGREGS material component atanga Block Employment Council (BEC) hnathawh hrang hrangte sawi pui a ni a. Technical Assistant (TA) leh BDO ten tun hma atangin BEC hnathawh work estimate atanga sum sanction atangin za zela sawmnga (50%) leh a hnuai lama hna thawh thin a nih thu an sawi. Chu thil chu Thalai Pawl chuan tha lo a tiin tun hnuah chutianga thawk tawh lo tur leh a chhe berah zaa sawm sarih emaw sawm riat (70%-80%) tala thawk tawh turin an ngen tih an sawi a ni.
Kum liam ta 2021 a, BEC hnathawh hrang hrang estimate atanga pawisa sanction atangin za zela sawmnga (50%) leh a chunglam chuang awm ngeia kan hriat avangin Thalai Pawl chuan BDO hnenah lehkha pein Model veng-ah Side drain leh Electric veng volleyball court-ah thutna leh Pavilion siam turin a ngen a ni. Thalai Pawlte ngenna ngaipawimawh lovin BDO hian an ngenna te hi material component-ah cheng nuai 2.5 ve vea thawh turin a lo thun a ni. Thalai Pawl chuan kum liam taa BEC hnathawh sum tam tak chuang bang awm ngei ni a an hriat hmanga hna thawk tura an ngen laia Material component-a a lo thun mai hi dik tawk lovin a hria a, March ni 23 khan BDO a office-ah an hmuh leh tih an sawi a, BDO chuan cheng nuai 2.5 hu hna lo siam ula, April tha ral hmain kan thawk ang a tih avangin April ni 18 khan Thalai Pawl chuan Hnahthial khawchhung hmun sarih-ah solar street light dah turin BDO hnanah lehkha an theh lut leh a ni. April ni 23 tlai lamah kan OB pakhat hnenah BDO hnen atangin a TA kal tlangin Envelope an dawng a, pawisa a ni tih hriat a nih hnuah hemi zan la la hian Emergency OB meeting neih a ni a, pawisa hi pek let leh nghal a ni a ti.
Kumin kum 2022-a material component atanga hna chhuak BEC thawh hmun 6 a mi cheng nuai 15.5 hmanga thawh te Thalai Pawl chuan ngun takin a en pui a, tun hmaa an lo thawh tawh dan works estimate atanga sum sanstion a\angin za zela sawmnga (50%) leh a aia hniam lamin an thawk leh ngei a ni tih an hriat avangin Thalai Pawl chuan he thil hi a do zel dawn a ni. Hmun thenkhata BEC hnathawh te Community Information Board (CIB) tar a nih loh avangin estimate zat kan hre kim thei ta lo a ni. An ngenna ten awmzia a neih loh avang leh BDO hi vawi tam biak pawh tum a nih pawhin phone call a la duh lo a, an hruaitu thenkhat phone number te phei chu a block hial a ni, hmuh a sawiho pui an tum pawhin hmuh theih loh leh sawipui theih a ni ta lo a ni. Hetianga a awm tak a vang leh an ngenna te vawiin thlenga a tih hlawhtlin sak tak loh avangin Press Conference hial kova, hmala ta an nih thu pawh a sawi a ni.
Hnahthial Thalai Pawl chuan Hnahthial-a sawrkar Department hrang hrang officer te chu an sum hmuh te, a hmanna tur dik taka hmang tur leh dik taka thil ti turin an ngen a, thil dik leh thaah chuan Hnahthial District hmasawnna tura thawhhona nei turin Hnahthial |halai Pawl hi an inhawn reng tih te, Department hrang hrang te, a tul angin RTI Act 2005 hmanga zawhna zawh zel an tum tih an sawi bawk.