Malsawmtluanga, ZPM Thalai Gen. Secy. chuan vawiin 4th November, 2023 khan Aizawl Press Club ah chanchinthar lakhawmtute kawmin, “Ni 26.9.2023-a SetläkLui-a Greater Aizawl Water Supply Phase III, Dy.Chief Minister Pu Tawnluia, UD&PA minister nibawkin a hawn chu a hawn nibak tui a pump theihloh tih ZPM Thalai-in ni 1.11.2023 khan a hmun ngeiah kalin kan finfiah a, MNF sawrkåra mi pawimawhte hi a tlang bum zawngin term tawp dawnah hawn tur zawngin an phi ruai niin kan hria a, hnathawh hun chhung kum 5 teh meuh an nei chunga term tawp dawn a hawn tur zawnga an phi ruai mai hian thinlung leh tih takzeta Zoram veitu an nih loh zia leh vote hmuhna tur anih phawt chuan pawisak an neihloh zia a tárlang chiang hle.
“Mizoram politics-ah Pathian ram lo thieng rawh se’ tih hi ZPM innghahna a ni a, kan ram hruaitulu-te’n vawiin thlenga an vote duh luata vânga lemchan politics an la bânsan thei lo hi a lungchhiat thlâk kan ti a, hnathawh that hmanga sawrkâr nawn tum lo party, mipuite buma sawrkâr tum party hi mipuite’n an hnawl ngei dawn niin a lang.
“Pu Zoramthanga kaihhruai MNF sawrkarin an kum 5 term tawp lamah pawh hnathawh zawh loh hawngin mipui bum politics an kalpui mek a, an vote zawnna atan kum 5 chhûnga an thil tha tihin a daih ngang lo a nih pawhin hmachhawp tha zawk neia mipuite hnena ngaihdam dil chunga vote zawng tur an nih laia, hmachhawp tha zawk pawh nei chuang lova mipuite bumna politics bawk an kalpui mipuite zahlohna lian takah ZPM Thalai chuan a ngai a; vote hmuhna tur a nih phawt chuan MNF hian pawisak an neih lohzia a lang chiang hle a, fimkhur taka lo awm tur leh nghet taka ding turin Mizoram mipuite kan ngênin kan chah a ni,” a ti.