Federa on of Mizoram Government Employees and Workers (FMGE&W) General Conference vawi 33-na chu Ni 8.4.2025 (Thawhlehni) ah Vanapa Hall-ah tluang taka hman a ni a. Hun khatna (First Session) chu Pi Laltleipuii, Senior Vice President-in a kaihruai a, Palai kalkhawmte lawmna leh duhsakna thu a sawi a, Pu Albert Lalbiakmawia, Secretary i/c Publicity in hunserh a hmang a, Pu J. Ramdinmawia, Secretary General chuan kum 2023-2025 hmalakna hrang hrang Report a pe a ni.
Tin, Er. R. Lalrammawia, President hnen atangin Presiden al Speech ngaihthlak a ni a, FMGE&W hmalakna hrang hrangahte kan tanrualna avanga hlawhtlinna hmuh anih thin avanga lawmthu sawiin hmalakna kawng hrang hrangah tangrual zel turin member kalkhawmte a sawm a, FMGE&W leh sorkar hotute pawh inpawhin harsatna an hnena kan thlen te an chinfel sak thin avangin lawmthu a sawi bawk.
FMGE&W President chuan, Mizoram sorkar hnuaia thawkte hi pla orm hrang hrang atanga beihna kan tawk ta nual a, hemi chungchangah hian keini sorkar hnathawkte lam atang hian kan insawifiah ve ngai lem lova, mahse, tunlaia kan dinhmun thlirin sorkar hnathawk ten Mizoram tana theihtawp chhuaha kan hnathawh thinte puan chhuah leh tarlan ve thin hi a ngai ve tawh niin a lang in a sawi bawk. Hemi bakah hian Mizoram sorkar hnuaia hnathawk zawng zawng ten Central/State sorkar danga kan counterpart te aia hlawh sang zawk la anga an tarlang ta fo mai te hi a dik tawk loh thu leh Dearness Allowance (D.A) ah pawh Central sorkar hnathawktute chuan ni 1.1.2025 atang khan D.A. 55% an la tawh a, keini erawh chuan 40% chauh kan lak thu te, hamthatna kan neih thin hrang hrangte pawh tunah chuan a awm tawh loh deuh vek thu sawiin Mizoram sorkar hnathawk ten hamthatna kan dawn ve chhunte zinga mi Medical Reimbursement (MA Rules 1944) pawh MUHCS-a thlak a lo ni ta a ni h a sawi bawk.
Hun khatnaah hian Hruaitu hlun chawimawina leh Hruaitu thar thlanna hun hman a nih bakah Pu Lalremsanga Khiangte, Secretary i/c Organisa on-in lawmthu sawina hun a hmang bawk a ni. Mizoram Civil Pensioners Associa on kaihhruainain FMGE&W Office Bearers (2025-2027) atan mi 10 thlan chhuah an ni a, hun remchangah an post turte siam fel a ni ang.
1. Er R Lalrammawia – Transport Department
2. Pi Daphne Zosangpuii – Mizoram Secretariat
3. Pu J Ramdinmawia – Economics & Sta s cs
4. Pu Albert Lalbiakmawia – An Corrup on Bureau
5. Pu Dr. Lalringmaia – Health Department
6. Pu Lalremsanga Khiangte – Police Department
7. Pu Hmingchungnunga – Govt Mizo High School
8. Pu Lalbiakzuala – Govt. Aizawl College
9. Pi Zothantluangi Chenhrang – Excise & Narco cs
10. Pu K. Lalkroschhuanga -Disaster Management & Rehabilitation
Hun hnihna (Second session) chu Er. R. Lalrammawia, President-in a kaihruai a, Dr Lalringmaia, Finance Secretary hnen aṭangin Finance Report ngaithlak a ni. Hemi zawh hian Affiliated AssociaƟon 99 aṭanga Rorel Palai 650 vel Mizoram hmun hrang hrang atanga kalkhawmin rorelna hun an hmang chhunzawm a, hengte hi an thurelte chu a ni:
1. Mizoram sawrkar hnuaia hna lak te hi public interest thlir in Department in an mamawh ang zelin rualkhai zawka lak ni rawh se.
2. Mizoram sawrkar-in a hnuaia thawkte tana Guidelines for framing of Service Rules/Recruitment Rules a siam a qualifying service ngai zat hi a pumpui a ennawn ni rawh se.
3. Vacancy Based Roster (VBR) chungchangah relaxa on a awm leh theih nan hma lak leh ni rawh se.
4. FMGE&W office building neih a nih theih nan hma lak ni rawh se.
5. Central sawrkar hnathawkte DA pun rual a Mizoram sawrkar hnathawkte DA a pun ve zel theih nan hmalak zui zel ni rawh se.
6. Mizoram sawrkar hnathawkte kan hnathawhna hmun theuh ah ram leh hnam tana thahnemngai tak leh neitu rilru pu chunga thawk zel turin in fuih thar ni rawh se.
7. Affiliated AssociaƟon Member Ɵn ten FMGE&W inrelbawlna leh hmalakna hrang hrang senso atan he ang hian sum thawh theuh ni rawh se :
Group A – Rs. 400/-
Group B – Rs. 300/-
Group C – Rs. 200/-
Group D – Rs. 100/-
8. Mizoram Universal Healthcare Scheme (MUHCS) chungchang chu ngun takin kan sawi khawm a, affiliated association aiawhte pawhin an pawl ngaihdante an sawi bawk a. FMGE&W General conference chuan Special Assembly thuthlukna lo siam tawh chu a nem nghet a, MUHCS hi a system a la felfai tawk loh avangin sorkar hnathawkte hi huam rih lo tura sorkar nawr chhunzawm ni se tiin thu tihthluk a ni.
