Excise & Narcotics Department changtu minister Lalnghinglova Hmar chuan Lunglei-ah Excise & Narcotics mi leh sa Mi 41, ( Enforcement – 35, Clerk – 6 ) an awm mek tih a sawi.
Lalramliana, MLA zawhna chhangin vawiin budget session neih chhunzawmah Excise Minister chuan Kum 2024 chhunga Lunglei District areaah Mizoram Liquor Prohibition (MLP) Act hmanga zu man zat a hnuai a mi ang hian a tarlang :
i. Indian Made Foreign Liquor 1119 bots
ii. Rakzu 6231.3 ltrs
iii. Fermented Rice 949 Tins
iv. Beer 363 cans
Lunglei District-ah Narcotics Drugs and Psychotropic Substances (NDPS) Act
bawhchhia man zat chu mi 91 an ni a.
Ruihhlo man zat te chu :
1) Heroin 3.039 Kgs
2) Cough Syrup (Codeine Base) 2426 Phials
3) Alprazolam 2011 tabs
4) Ganja 8.222 kgs
5) Tramadol 6 tabs
“Excise & Narcotics hian tlawmngai pawl (NGO) hrang hrangte nen thawhhona turin sum in nei em?” tih zawhna pawh “Kum 2023-2024 leh 2024-2025-ah te Sorkar-in a hranpa-a ruihhlo dona sum a dah atangin tlawmngai pawl (NGO) te nen thawhhona sum Excise & Narcotics Department-in a nei ve a ni a. Central Young Mizo Association (CYMA), Central Young Lai Association (CYLA), Mara Thyutlia Py (MTP) hnenah sem ve thin a nih thu a sawi bawk.
“Tun Sorkar-ah Excise & Narcotics Department-in Zu leh ruihhlo la ti ve lote’n an tih chhin ve lohna turin Awareness Campaign/Seminar vawi 29 neih a ni tawh a. School/College-ah tum 10, Khawtlang huapin tum 12, Kohhran/Thalai/Sunday School – tum 7. Heng Awareness campaigns ah hian tun Sorkar kum chhung hian mi
3959-in awareness campaign-ah an tel tawh a ni,” Lalnghinglova Hmar chuan a ti bawk.
