Aizawl; the 19th of December, 2024 :
Vawiin chawhma khan Aizawl West-II Assembly Constituency bialtu MLA Pu Lalnghinglova Hmar, Minister of State ni bawk chuan a bial chhunga Mizoram Upa Pawl branch hrang hrang Office Bearer te chu MINECO, Aizawl-a a office ah thingpui in paha inkawmhona hun a hmanpui.
Pu Lalnghinglova Hmar chuan thu sawiin, “Kuminah vanduaithlak takin kum lama naupang zawk thahnem tak vuiliam an ni hi a pawi a. Kumtawp tluang taka thleng a, inkawmhona hun kan hmang thei hi thil lawmawm tak a ni” a ti.
Excise Minister ni bawk Pu Lalnghinglova Hmar chuan ruihhlo tihrΓͺm tumna kawngah hma an lak zel thu sawiin, a bial chhung bikah pawh vengchhung mite thahnemngaihna avangin hma an sawn tih a sawi a, ruihhlo dona kawngah MUP te chu theihtawp chhuahpui turin a sawm. Kalkhawmte hian ruihhlo do chungchanga an ngaihdan leh rawtna bakah an vei zawng hrang hrang te sawiin, kumthar lama bial chhung MUP te’n zin khawthawn (outing) hun an hman dan tur an sawiho bawk.
Aizawl West-II bialtu MLA hian a bial chhunga MUP Office Bearer te hi an inkimin puannuam (lightweight blanket) a hlan nghal a. Anni bakah hian a bial chhunga kum 80 chin chunglam hnenah pawh puannuam hi a pe theuh a ni.
