Election Commission of India ECI chuan September ni 28 khan inthlan neih tur chungchang thuchhuah siamin Mizoram Tuirial By Election neih rual hian Union Territory (UT) 3 leh State 30 ah te By Election nei turin a puang a, Hmarchhak bial ah Assam State ah bial 5 ah By Election neih a ni anga, Meghalaya ah MLA bial 3 ah neih a ni dawn bawk a,Nagaland leh Mizoram ah MLA bial 1 ah te By Election nei turin ruahmanna ECI hian a siam a ni. Election Commission of India ECI thuchhuah tarlan danin October ni 30 ah vote thlak a ni anga, November ni 2 ah vote tla te chhiar turin ruahmanna a siam bawk a, 1.10.2021 ah Official Notification chhuahin MLA chuhtum te tan hming pekluh theih a ni anga, ni 8.10.2021 thleng hming pekluh na hun hawn niin, hming pelut te endikna hun atan (Scrutiny of Nomination) chu ni 11.10.2021 ah neih a ni leh anga inhnukdawk duh tan (Withdrawal of candidates) ni 13.10.2021 ah a ruat bawk. Election Commission of India ECI in heng inthlanna hmun bial ah te Model Code of Conduct puan hun tura a ruat chu ni 29.September.2021 a ni bawk. Election Commission of India ECI chuan heng inthlanna neih na tura official duty leh a buaipui tu tur te chu Covid 19 Vaccine 2nd Dose la tawh te a ni tur ati a, chutiang bawkin,candidates ,election agent,polling & counting agents leh drivers te pawh Covid 19 Vaccine 2nd dose la ani tur a ni ati bawk. ECI chuan hripui lengmek a nih avangin inthlan kaihhnawih hrang hrang mipui punkhawm leh meeting ah te Covid SOP tha taka zawm turin a thuchhuah ah hian a tarlang bawk a ni.