Darshana Jardosh, Union Minister for Railways & Textiles changtu chuan nimin 24th May 2022(Tuesday) tlai Dar 5:00 (pm) khan BJP Mizoram State Office Upper Republic chu tlawhin, Party hruaitu te nen inkawmna hun an nei a ni.
Pi Darshana Jardosh chuan Mizoram boruak nuam tak hnuaiah hun kan hmang thei a, BJP Mizoram te nen inkawmna hun thatak kan nei thei leh BJP Chhungkua inhmuh khawmna hun kan nei hi a lawmawm hle a ni, a ti. Pi Darshana Jardosh chuan, “BJP chu Khawvela Party lian ber kan ni a, Prime Minister Pu Modi kaihhruaina hnuaiah nasa takin hma kan sawn a, tunah chuan Khawvel Ram dang te pawh in Kan Prime Minister Pu Modi hmalakna avngin nasa takin min ngai pawimawh a, Japan a tlawh pawh khan chawimawina an hlan hial a ni a ti. PM Modi hmalakna avangin Covid Vaccine pawh chak taka pek kan ni tawh a ni,” a ti.
Kan Prime Minister Pu Modi-a hian hmeichhia te hi a ngai pawimawh êm êm a, Tun hunah pawh hmeichhia Union Ministers a dah nual a ni. Tin, hmeichhia te hamṭhatna tam tak PM Scheme kaltlangin a awm hi a lawmawm hle a, heng ah te hian hmeichhia te hian kan chanvo kan chan a pawimawh a ni, a ti. Hmeichhia te eizawnna pawimawh tak pakhat Handloom lamah hmeichhia te’n nasa takin hma kan la mek tih ka hria a, an hmalakna tichak turin theihtawp kan chhuah dawn a ni, a ti.
Inkalpawhna ṭha leh bungrua man tlawm zawk a lo thlen theih na turin Rel kawng hi a pawimawh em em a, Mizoram a Rel kawng pawh a hun taka hnathawh zawh a nih theih nan theihtawp kan chhuah zel a, heng bakah hian Mizoram chu International Border-a awm kan nih angin heng hi kan ram hmasawnna tura a pawimawh avangin Mizoram hian kawng ṭha kan mamawh a ni, a ti a, BJP Member te Mizoram tan theihtawp chhuaha hma la zel tur leh chumi atan chuan Hmeichhia leh Ṭhalai ten nasa leh zuala ṭan kan lak a ngai a ni, a ti bawk.
Meeting hi Dr BD Chakma MLA, State Vice President in akaihruai a ni.
