Dan leh thupek khauh zawkah kenkawh phut

PC.Party chuan thuchhuah siamin, “Mizoram hmun hrang hranga chhungkua -ah leh khawtlangah mawi lo taka mi chunga hleihlenna a hluar sàwt ta hle mai hian Dan leh Thupek kenkawhna kawnga Mizoram sawrkar inthlahdah zia a tilang chiang hle ah PC Party chuan kan ngai,” an ti.
Thuchhuahah chuan, “Mizoram -ah kawng hrang hranga mipuite zalenna, dikna leh chanvo palzutna a hluar ta hle mai te, sawrkara milian leh Civil thiltithei tak takte mipuite chunga invilikna leh inlulinna a punlun ta hle mai te hi PC Party chuan pawi kan tiin ram rorelna khawl chelhtute zir loh vangah kan ngai a.A rang thei ang bera in enfiah turin PC Party chuan Mizoram sawrkar kan phut a ni,” an ti bawk.