AAP MIzoram chuan, “AAP Mizoram in kan zirchianna aṭangin Dampa Tiger Reserve a thawkte hian ngaihsak an hlawh lo hle tih kan hria a, Mizoram a hmun pawimawh kan neihte zing ami enkawl tute hi Mizoram sawrkar hian tun aia nasa hian ngaihven se kan ti. A hnathawkte tan heng a hnuai a mite hi Sawrkar hian tihsak vat se kan ti,” tiin a hnuai a mite hi an phut.
1. June leh July thla hlawh hi a ranglam in pe rawh se.
2. APC Staff duty a riakte hi ration (Dal chauh lo) hi thildang ngaihtuah belh sak rawh se. APC thenkhat chhunga Toilet awmlo leh Compartment awm lo hi Duty-te tan harsatna lian tak pakhat a ni.
3. Dampa Tiger Reserve hi Sq. Km 500 aia zau a ni a, Patrolling Path thenkhat hi fehkawng ang mai ala ni a, a hnathawkte tan accident palhah a buaithlak thei dawn hle a ni. Chuvangin Sai emaw Motor Cycle kal theih talin Patrolling Path hi siamsak ni rawh se.
4. Medical kid-te, Thosilen, Solar lantern an mamawh tak zeta, Sleeping bag leh Rocksack an dawn lohna pawh kum 10 a liam tawh a, chuvangin a ranglamin sawrkar hian ngaihven rawh se.
Dampa Tiger Reserve a thawkte harsatna tawh hi kan Sawrkar leh Department hotute hian ngaihthah tawh lo se kan duh hle a, an harsatna tawh mek leh anmamawh hrang hrangte hi a ranglama pe vat turin Sawrkar leh Department hruaitute kan ngen bawk a ni.
