Court-a chinfel tawh ruihhlo halral

Excise & Narcotics Department chuan nimin khan Bethany Multipurpose Farm, Phunchawng-ah Kar hnih chhung Ruihhlo do hun /Drug-Free Fortnight (Nashe se Aazaadi Pakhwada) hman mek leh June 26, 2022-a khawvel puma ruihhlo dona ni, International Day Against Drug Abuse & Illicit Trafficking lo thleng tur denchhenin Court-a chinfel tawh ruihhlo thahnem tak a halral.
Ruihhlote hi Commissioner of Excise & Narcotics Ngurchungnunga Sailo,chuan a halral. Kumina Khawvel puma ruihhlo dona ni, International Day Against Drug Abuse & Illicit Trafficking chu Pathianni a nih avangin Excise & Narcotics Department chuan vawiin hian hetiang hian hun a hmang a ni. Vawiina Ruihhlo halral tak te hi Heroin 8.658 Kgs 216,45,000.00, Methamphetamine 84,291 Tabs 42,14,550.00, Ganja 50.929 Kgs 1,78,252.00, Cough Syrup 87 Phials 21,750.00, Alprazolam 3,334 Tabs 1,66,700.00, Diazepam 50 Tabs 2,500.00, Nitrazepam 208 Tabs 1,400.00, Tramadol Tabs 2,290 Tabs 1,14,500.00, Tramadol Caps 1,800 Caps 90,000.00, a vaia sum hlutna hi cheng Rs 264,34,652.00 a ni. Drug Disposal Committee, Excise & Narcotics Department report angin heng ruihhlo halral takte hi kum 2014 atanga 2022 chhunga drug case 124 ami an ni.
Ruihhlo halral bakah, ruihhlo that lohzia mipuite hnena zirtirna tura Department-in film a buatsaih thenkhatte chu 26th June, 2022 (Pathianni) zanah Local TV hrang hrang (DDK, LPS leh Zonet)-ah te tihchhuah a ni ang. Tin ruihhlo that loh zia tarlanna thuziak chi hrang hrang – Banner & Pamphlet/Flyers hmanga phochhuah a nih bakah ruihhlo laka fihlim tura online-a intiamna E-Pledge nei tura mipuite sawmna a phochhuak bawk. Drug Disposal Committee, Excise & Narcotics Department report angin heng ruihhlo halral takte hi kum 2014 atanga 2022 chhunga drug case 124 ami an ni.