Congress party chu mi harsate leh chanhaite tana ding tlat party a ni – Moses Lalrinchhana Chinzah, Peesident – LDYCC

Vawiin Dt.19th Dec 2024 Thursday hian LDYCC te chuan midangte tana luanchhuah na hun an nei.

LDYCC te chuan Rescue Center, Kawmzawl-ah thilpek (Buhfai, Dal, Alu leh Artui engemawzat) hlan in, Rescue Center, Kawmzawl in Biak In an sak mek ṭanpui nan pawisa fai ₹ 3000/- an hlan bawk.

He hunah hian LDYCC President Pu Moses Lalrinchhana Chinzah chuan thusawiin, “Congress party chu mi harsate leh chanhaite tana ding tlat party a ni,” a ti. Pu Moses-a chuan December Ni 28, kum 1885 khan INC chu Christian pachal Alan Octavian Hume-a din a nih thu leh INC President hmasaber pawh WC Baneerjee Kristian pachal tho a ni a, INC hian a din tirh ata tawh vawiin thleng hian a thil tum a la ṭhelh ngai lova chu a thil tum chu miharsate leh chanhaite tana a tawp thlenga din hi a ni. “Vawiinah Rescue Center ah ṭanpuina kan pek theihna chhan pawh Congress ṭhalai chuan Pathian ring chungin hma kan la a, inhlawhfakna hrang hrang kan neih aṭanga kan hlep tlingkhawm in ṭanpuina kan hlan che u a ni a ti. Rescue Center in harsatna leh mamawh an neih phawt chuan englai pawh in Congress ṭhalai te chu hmalakpui tur che in kan in huam reng a ni,” a ti bawk.

LDYCC te chuan kumtin in midangte tana luanchhuah na hun hi an lo hmang tawh ṭhin a. Rescue Center, Kawmzawl ah hian tun dinhmunah mi 100 chuang an awm mek a, thawktu mi 20 an awm a, he hun ah hian Pu Vanlalawmpuia Director, Rescue Center, Kawmzawl chuan lawmthu sawina a nei bawk a ni.