Vawiin Ni 7th.February, 2025 (Zirtawpni) khan Mizo Students’ Union : General Headquarters hruaitute leh College hrang hrang SU Leaders te chuan Chief Minister a Pisa-ah an hmu a. College Study Tour Fund leh College Development fund chungchang te an thlen.
MSU hruaitute chuan Chief Minister hnenah hian, sawrkarin kumtina Mizoram Budget a a dah ṭhin College Study Tour Fund Rs.50 lakhs chuan Mizoram puma College zirlai mi 13,553 te hi a huap zawh tawhloh lutuk avangin, Rs. 150 lakhs a budget a tihpun a nih theih nan a hmalakpui turin an ngen a ni.
Tin, MSU chuan kumtin College zirlaite admission aṭanga Sawrkarin in pawisa a lak thin zirlai pakhat zelah tuition fee Rs. 1200, Admission fee Rs. 120 leh Hostel Admission Fee Rs.600 a lak ṭhin chu College lamten a ṭul anga an hman theih tura dahlet sak tawh turin an thlen bawk a ni.
MSU chuan zirlaite ṭha taka alo dawnsawn naah Chief Minister Pu Lalduhoma chungah lawmthu an sawi a. An dilna thlen te hi MSU chuan chak takin a vil zui zel dawn tih an sawi a ni.
