“Democracy ram ni siin Sorkar kalphung, inrelbawl dan mipuite hamthatna leh thil dang hriat a harsat em em thin avangin kum 2005 khan RTI Act hman tan a ni a, mipuiin awlsam takin an dikna chanvo sorkar hmalakna te an hre zung zung thei a, nasa takin sorkar khalh ngil kawngah mipuiin an thawhlawk hle. Right to Information a nih angin classified/sensitive case a nih loh chuan a chhangtu tur SPIO te’n ni 30 chhungin an chhang thin tur a ni,” MPYCC chuan an ti.
MPYCC chuan, “Mahse, chu mipui dikna chanvo chu ZPM sorkar chuan an rapbet a, an tihchhiat sak mek a. SPIO ten uluk taka RTI chhanna an buatsaih pawh Chief Minister leh Minister ten an lambun! Sorkarin a ruat SPIO hnathawh chu ZPM party in an duhdan zawnga her rem tumin an kalpui a, hei hi mipui dikna zahlohna leh palzutna a ni.
“The Aizawl Post Chanchinbu October ni 16, 2024 (Nilaini) chhuakah RTI hmanga zawhna September ni 25 a chhan tawh tur zawhna Chief Minister-in tunah a kawl mek, RTI chhanna department in a lam theih tih an sawi pawh a lam tura kal ten Minister-in a endik leh dawn si avanga lam leh theih loh bakah RTI chhanna Minister thenkhatin tunah an kawl mek avangin a hun takah RTI chhanna hi a zawttu te’n an dawng thei lo mek bawk. Hei hi ram mipui tan a him lo takzet a ni. Hei hi ZPM sorkarin thil dik lo an tih thupnaah Congress thalai chuan a ngai a, hetiang mipui dikna chanvo rahbehna hi chhui turin hma a la dawn a ni.
“RTI hmanga CM relief Fund hmanna zawhnaah MLA leh ZPM unit-te an lang teuh a. Hei hi Chief Minister facebook page-a CM relief Fund dawngtu list an post leh RTI chhanna a in ang lo a ni. ZPM hian kawng tinrengah mipui an bum mek a ni.
“Chief Minister Pu Lalduhoma hian RTI chhanna chu a rintlak lo tiin a lo sawi tawh a, hei hi a chhangtu mithiam bik SPIO te hmuhsitna leh leh diriamna a tling tawh. SPIO ten chhanna dik lo an pek chuan hrem mai tur niawm tak a nih laiin engvangin nge SPIO te chhanna a zawttu hnena pek hmaa Minister-in an ennawn leh fo tih hi Congress thalai zawhna a ni a, ni 30 chhunga RTI zawhna chhan hman loh a tam phah hle a ni.
“ZPM sorkar hian ram mipui dikna chanvo a palzut sak a, an thuneihna hmangin engkim an rapbet mek. In zawrhna atana Kohhran hmatheh taima em em, Kohhran kan unit, kan CM pawh Kohhran upa, kan hruaitute pawh Pastor pension titu ZPM party Minister leh MLA zingah Kohhran ngai thei miah lo, a bikin Synod haw em em an awm. Chief Minister Pu Lalduhoma’n Aizawl khawpui hi City of Churches ah kan siam dawn ti siin AR rama Kristian Biak In neih sak tumin an hmanhlel leh hle si te hi thilmakah Congress Thalai chuan a ngai lova, an tum lawk rΓͺngah a ngai zawk a ni.
“MNF lo lan apiangin Mizoramah manganna, lungngaihna leh chhiatna a thleng nasa thin hle a. Chutiang chiah chuan chhΓ»m reilote hlimthla ang chauha lang mek ZPM huna Mizoramin chhiatna leh tawrhna, manganna leh inrikrapna, inpalzutna leh inbumna thleng nasa lutuk hi thian fai turin ZPM sorkar enchhin hi Mizoram mipuiin an duhtawk tawh a, paih thla turin Mizoram mipui an in ring tawh a ni,” a ti bawk.