Krismas hnaih tawh takah; Tuikual South a nupa tuak khat te chu ni khat thil thu ah an thi. Pi Rozami (67) chu Cancer natna vangin nimin chawhma dar 11:15 khan a boral a. Hetih lai hian, a pasal Pu Rochhunga Rokhum (69) chu nizan dar 08:30 khan Stroke vangin a boral veleh a. Vawiin chawhnu dar 01:00 hian Tuikual Presbyterian Kohhran Hall ah vui an ni ang.
Hetih lai hian, Pu Lalbiakzuala Ngopa khua chu Shillong a NEIGRIHMS Hospital ah nimin zing dar 2:50 khan Ril tha lo vangin a boral a. A ruang hi Ngopa pana kalpui anih mek laiin; nimin tlai dar 6:00 khan Hnahthial-a, a Pi (A nu nu) Pi Thankungi Kum 85 chu Awmlai avangin a boral ve leh a ni. Pi Thankungi hi vawiin chawhma dar 11:00 ah vui a ni ang a, a tupa Lalbiakzuala ruang hi Aizawla an inpui, Venghlui pana lo nghah mek a ni.
