Mizorama tlawmngai pawl Foundation For Drug-Free Mizoram chuan vawiin Pathianni chawhnu hian Baptist Church of Mizoram Chawlhhmun Kohhrana Kristian Naupang Pawl (KNP) te hnenah ruihhlo that loh zia inzirtirna an pe a. Resource Person Johny Lalthafamkima hnen atangin zirtirna kan ngaithla a. Ruihhlo kan tih loh chuan Pathian malsawmna kan dawng dawn a ni tiin naupangte a fuih a. Rilru hrisel neih dan tur zirtir telin, rilru hrisel kan neih chuan engtikah mah ruihhlo tihna hun kan nei ngai dawn lo tiin naupangte a fuih. Mipat hmeichhiatna lama an inven dan tur a zirtir tel bawk a. Hemi hnu hian he pawl Life Member Nl. Judith Renthlei, Miss Mizoram 2024 Top 10 hnen atangin Kristian Naupang mi 65 te chuan ruihhlo laka fihlim tura intiamna an la a ni.
Foundation For Drug-Free Mizoram hian kum 5 chhungin Mizoram chhung hmun 73 ah rawngbawlna hi an kalpui tawh a, tleirawl mi 14,235 te ruihhlo laka fihlim turin an intiam tawh a, hun hmang tura sawm theih reng an ni.
