Mizoram Police chuan nimin ni 21.04.2024 chawhnu dar 1:30 khan Champhai Zotlang chhehvel (Forest Check Gate)-ah lirthei veivak an endik a. Lirthei pakhat MZ04 A-9119, Benjamin Lalvumsanga, Champhai Kanan venga mi khalh chu tidingin dan phal loh thil a phur ngei niin an ring a. Ngen an nih angin Benjamin Lalvumsanga (22) s/o Sangzakapa, Kanan Veng, Champhai leh a nupui, lirtheia chuang ve Zion Lalramchullovi (34) d/o Lalzawngliana (L), Kanan Veng, Champhai chuan sahbawn bawm 65, lirtheia an dah chu an phawrh ta a, a chhungah powder buang lam, Heroin ni ngeia rin, a vaiin gram 788, Rs. 23,64,000/- hu a lo awm a ni. Lirthei leh damdawi hi hriatpuitute awm laiin man a ni a, a kawltute pawh hi man niin, man an nih chhan hrilh an ni a, Champhai Police Station-ah thubuai ziah luh a ni.
