Vawiin chawhma 11:30am khan 12th Term Mara Autonomous District Council a CEM 2na leh MADC CEM 20na ni turin M.Laikaw chu S.Ngotlia Judicial Magistrate, Siaha chuan rinawmna thu tiamtirin a lalut a ni
He swearing in ceremony hi E&F Conference Hall, MADC Complex ah hman a ni a, K. Chhihrau, Executive Secretary MADC kaihruaiin nimina Mizoram Governor in M.Laikaw CEM, MADC atana a appoint na a chhiar chhuah hnu ah CEM lakluhna hi neihzui nghal a ni. M. Laikaw hi Tokalo Constituency atangin BJP party atanga MDC atan thlan tlin a ni.
CEM M. Laikaw chuan thusawina neiin, Tun Term thar hi New Maraland a din kan tum a, Good Governance leh Sawrkar ah dan leh dun te Lal ber se, Corruption Free Sawrkar ni turin ka kaihruai anga, mitin rualkhai taka enkawl turin theihtawp ka chhuah ang a ti.
M.Laikaw CEM chuan a thawhpui tur Executive Member a ruat nghal a, chung te chu:
1. S. Lalremthanga
2. K. Hrahmô
3. MH. Tiabi
4. K Chhuabei
5. L Prisila
6. Beirahmô Syhly
7. Tiahlei Syuhlô
8. J Vabeikiasa
9. T Seido
Vice Chairman Planning : N. Lalrosanga
Chairman Town Committee : M. Chiadung
Dy. Chief Whip : Beihu Nôhro
Adviser to CEM : N. Zakhai te a ruat thu a puang bawk a, hei hi Governor ah approval tura thawn leh a ni ang. Deputy Chairman atan Chapi bialtu C. Chehnei chu ruahman a ni a, Chairman erawh thlan ala ni lova, tuna chairman ni lai Pu. N. Viakhu candidate atan ruahman lawk a ni bawk.
Rev. B. Beilua’an malsawm tawngtaina in hun a khar a ni.
