Vawiin 22nd June, 2023 (Thursday) hian BJP State Office Upper Republic ah Social Media Influencers Meet neih niin, Johny Lalthanpuia, State Media Convener-in inkhawm kaihruaiin, Mizorama Social Media-a hma latu, mipui te ah zirtirna ṭha pe tu Journalist-te leh Youtube Channel neitu ṭhenkhat te an tel a ni.
Vanlalhmuaka chuan, “vawiina Social Media Influencers Meet kan hmang mek hi India ram puma hman tura tih a ni a, hei hian a tum chu Digital World a nih tawh avangin, kan ram kan hnam tan Social Media hi a pawimawh hle a, kan ram hmasawnna tur atan pawh Social Media hian nasa takin hna a thawk thei a, Social Media hi a ṭha zawnga kan hman thiam chuan kawng tam takin kan ṭangkaipui thei dawn a ni. Nimahsela a nilo zawnga kan hman palh erawh chuan thil pawi tak thlen thei a ni thung a ni,” a ti a.
Vanlalhmuaka chuan, “India ram Prime Minister Pu Modi-a a nih aṭangin Social Media hi nasa takin hman leh tih lar a ni a, nimahsela mi tam tak erawh chuan kan thu post leh ziak te, Youtube chanel lama kan thu chhiar te pawh thu dik leh mipui ah zirtirna ṭha a awm a, thu belh chiandawl kan neih theih nan Utuber te leh Social Media lam khawih tu te pawn tan kan lak a, Bias awm lova mipui thu kan fah theih angai a ni. Chuvangin kan ram leh Hnam dinchhuahna tur leh hmasawnna ṭha zawk kan neih theih nan Social Media hian pawimawhna nasa tak a nei a, chumi fawng chelhtu te chuan mawhphurhna sang tak kan nei a ni,” a ti bawk.
He hunah hian Lalramdinfela Khiangte, State BJP IT & Social Media Convener-in Paper present neiin hun a hmang a, Social Media chungchangah kal khawm te aṭangin sawihona hun hman a ni bawk.
