Kristmas lo thleng tur, Tuichang bial mipuiten hlim taka an hman theihna turin Bialtu MLA, Deputy Chief Minister ni bawk Tawnluia chuan a bial chhunga chhungkaw harsa zawk te tan inhlawhna a siamsak a, 22-Tuichang Tuichang Assembly Constituency huamchhung khaw hrang hrangah mipuiten inhlawhna an nei a ni.
Khawzawl khawpui chhungah pawh vawiin khan veng hrang hrangah inhlawhna neih a ni a. Mipuite hian vengchhung tihfai hna an thawh bakah veng hrang hranga hmun langsar lai leh hmun lun laia lungrem te chu rawng an hnawih tha bawk a, inhlawhnaah hian chhungkaw khat atangin mi pakhat zel an thawk chhuak a ni.
Tuichang Assembly huamchhunga chhungkaw harsa zawkte tana Bialtu MLA in inhlawhna a siamsakah hian mipuite hlawh tur leh lungrem rawng hnawih thatna turte in MLA Fund atangin cheng nuai 25 a ruahman a ni.
