Sairang bul Rel kawng siam lai Lei (Bridge) chim vanga vanduaina tawkte chungchang ngaihvenin W.Bengal atangin BJP hotu Pu Ziarul Haque Member Disha Committee, Ministry of Rural Development chuan Inrinni ( 26th August 2023) khan Aizawl rawn thlengin Mizoram BJP ten an lo dawngsawng a ni. Rel kawng siam mek a chhiatna thleng ah khan West Bengal mi leh sa 18 lai an thi a, hliam enkawl lai 2 an awm bawk.
Haque leh Mizoram BJP Spokesperson Lalremsangi Fanai ten Aizawl Civil Hospital-ah hliamtuarte tlawhin hliamtuar chhungte nen inkawmna an nei a, hliam tuar te hnenah BJP West Bengal leh Mizoram te chu an mamawhna apianga anmahni pui tura an awm thu an hrilh a ni.
Tin, BJP hruaitu te hian Rel kawng chim a mawhphurtu Contractor ABCI pawh Aizawl a an office, ISPAT Office ah hmuin Rail kawng lei chima vanduaina rapthlak tak thleng chu Engineering & Technical failed vang a nih ngei an rin thu an hrilh a, Ruang chhe tawh tak in nimin ah Malda West Bengal thlengin ruang te Thlawhna a an thawnloh chungchangah Contractor in an tih tur an tih loh thu leh hnathawktu te himna ti tha tawk lo leh thihna hial thlen na a contractor hmalak dan ah a tul dan ang zela dan anga Contractor laka complaint an siam tur thu an hrilh bawk.
BJP Mizoram leh West Bengal BJP hruaitu te chuan vanduaina thlen avanga chhanchhuahna hna thawktu zawng zawngte, mitthi ruang senghawi chungchangah te, Sairang khawtlang mipui inpekna te, Mizo/NGOs (Civilian) tlawmngaihna hlutak kan hmu chu lawm awm an ti hle a. Chhiat tawh na avanga mi inpe te zawng zawng chungah mithi chhungte leh hliam tuar chhungte aiawhin BJP Mizoram leh West Bengal BJP te chuan lawmthu an sawi bawk.
